الرئيسية » بانوراما نمساوى » فيديو.اعتذار رسمى للصعايدة

فيديو.اعتذار رسمى للصعايدة

محمد عودة
قدم اللواء أبو بكر الجندي، وزير التنمية المحلية اعتذارًا لأهالى الصعيد، بعدما أُثير من ردود أفعال غاضبة بشأن تصريحاته التليفزيونية التي قال فيها:«سنشجع الاستثمار فى الصعيد لخلق فرص عمل، ونبطل نخلى الصعايدة يركبوا القطر، وييجوا القاهرة عشان يبحثوا عن فرص عمل، ويعملوا لنا هنا عشوائيات، وسنتعاون مع كل الوزراء والمحافظين».

وقال الجندي في اتصال هاتفي لبرنامج «على مسؤوليتي» الذي يقدمه الإعلامي أحمد موسى، والمذاع على فضائية «صدى البلد»: «الحقيقة محدش طلب مني اعتذار، وإذا كان دا مزعل أهل الصعيد، وإذا كان هذا هو المفهوم من كلامي، فأنا بعتذر لكل واحد في الصعيد، وبعتذر لأهلي في الصعيد، اللي أنا بقول إن أنا جاي آخد بالي منهم، وأزود فرص العمل، وأزود الحوافز للمستثمرين.. علاقاتي بكل المحافظين زي الفل، وعلاقاتي بمجلس الوزراء زي الفل، هنستغل كل دا علشان نوجد وسائل وسبل لتنمية الصعيد».

وتابع قائلًا: «الغرض من محتوى الكلام إن الناس دي مظلومة، الناس دي لازم تاخد حقها، الناس دي لازم ياخدوا حقهم من التنمية»، وأضاف: «أنا قلت إني عايزهم في أماكنهم، وتتوفر لهم فرص العمل اللائقة،

زيهم زي بقية أهل البلد، ونسبة الفقر اللي عندهم دي تبقى على الأقل زي متوسط عام الجمهورية، ميبقاش كل محافظات الصعيد نسبة الفقر فيهم أكتر من كل المحافظات، هذا هو لب كلامي، وإذا كان اتفهم إنهم اللى عاملين العشوائيات فى القاهرة فأنا بعتذر مرة واتنين وعشرين».