أخبار عاجلة
الرئيسية / أخبار مصرية / أسباب ظهور الكرش المصري الأصيل بعد الزواج

أسباب ظهور الكرش المصري الأصيل بعد الزواج

بعد الزواج حياة الراجل بتتغير: صحته، لبسه، شكله و جسمه و حتى طريقة تفكيره و كلامه مع الناس
و لما نتكلم عن التغيير هنلاقي علامات تعجب كتير حوالين كرش الراجل بعد الزواج و إيه أسباب ظهوره
و الأسباب العلمية ورا ظهور الكرش بعد الزواج:

1- الأنتخة على الكنبة
طبيعي لما الراجل قبل الزواج يكون مقضيها ليل نهار في الشارع و بيروح على النوم و يجي بعد الزواج يقعد مع مراته و في أول الزواج خصوصا شهية الراجل بتكون مفتوحة على الأكل و على حاجات تانية أكتر أهمية من الأكل كلنا عارفينها
بعد الأكل غالبا الراجل بيأنتخ على الكنبة و يتفرج على التلفزيون و ده بيخليه يخزن الأكل في أكتر مكان بيتخزن فيه الدهون عند الراجل و هو الكرش.

2- تغيير الهرمونات
بعد الزواج نسبة هرمون التستوستيرون بتقل في جسم الراجل، و الهرمون ده مسئول بصفة كبيرة عن بناء العضلات و لما بيقل التستوستيرون كتلة العضلات في جسم الراجل بتقل و بتزيد احتمالية اكتساب الدهون بدل العضلات، و طبيعة جسم كل راجل مختلفة عن غيره بس في الأغلب معظم الرجال بيتراكم الدهون في منطقة البطن أو الكرش و ده بيكون عامل كبير في التخن و السمنة بعد الزواج لو استمر الراجل في الأكل بنسبة كبيرة.

3- الاستقرار النفسي بعد الزواج
نفسية الراجل بعد الزواج بتستقر بنسبة كبيرة و بيبدأ يرتاح نسبيا و ده بيؤدي لقلة الحرق في أوقات كتير و بالتالي بتتحول الدهون لمنطقة الكرش.

4- عادات الأكل الجديدة بعد الزواج
بعد الزواج في عادات كتير بتتغير في حياة الراجل و منها الأكل سواء الأكل الغير صحي أو كمية الأكل نفسها و ده عشان الزوجة في أغلب الأوقات مش بتهتم بطبخ الأكل الصحي و بتكون عايزة تبين شطارتها في الأكل المصري اللي كله دهون طبعا و بالتالي مع قلة الحركة و القعاد قدام التلفزيون هيزيد الوزن.

5- عدم الاهتمام بالنفس بعد الزواج
الراجل بعد ما يتجوز مش بيهتم بشكله زي الأول و بياكل كميات كبيرة من غير مايحسبها كويس و بالتالي بيكتسب الوزن.

عن nemsawy

x

‎قد يُعجبك أيضاً

شاهد معنا: ممثلة الأمم المتحدة جابت أمها للسيسي علشان يحقق أمنية لها