انتحار ضحية شياطين الطلاق بالنمسا

الجزء الأول من شياطين بالنمسا لطلاق وخراب بيوت المصريات( أضغط هنا )

نشرنا فى المقالة الماضية قصة السيدة التى وجدت نفسها حامل من عشيق ورغم انها متزوجة وزوجها عنها بعيد
وجدنا ردود الأفعال تتوالى والأراء على الفيس بوك تتهادى .. والأتصال على التليفون بلا هواده

الكل مؤيد ويؤكد وجود شياطين يبحثون عن الخراب لكل بيوت العائلات وللأسف البعض من الزوجات لجهل أو غباء يقعون فى الفخ وينساقون وراء الشيطانة. التى تعبر بها فى الأحلام عن عالم الراحة والأمان بدون زوج وبدون عيال.

ومع توالى التعليقات ذكرت احدى السيدات انها وصديقة لها كانو ضحية لنفس الشيطانة .. خربت البيت .. وجلسة تاكل معانا بيض.

وندخل فى موضوع السيدة الحامل أولا.
أولا أتضح لنا بعد السؤال والكلام ان الشيطانة التى خربت بيتها ووقعتها فى مصيبتها . كانت زوجة لأحد الاصدقاء المقربين منى شخصيا. وطلقها لأسباب عديدة وبعد أن تخطت المشاكل الباب والشباك. وسبق وان اتهمها بالخيانة الزوجية مع شخص أخر.
ومن يومها وهى عايزة تساوى الرؤوس وتجعل كل بيت سعيد .. متعوس.
وحتى تكون بعيدة عن الشبهات؟  أعتمدت على الأتصالات .. وبالتليفون تخرب بيوت المصريات.
ومفيش مانع تتقابل مع الضحية .. وفى الشارع يكون الكلام .. على عزومة وأكل الطعمية.

ويبدا الكلام: كالتالى:
شوفى ياست الكل انا مطلقة منذ سنوات .. وعايشة اليوم ملكة متوجة وموجودة فى كل العزومات والسهرات.
الرجالة على قفا من يشيل .. وسعادتك وشطارتك وكل شئ بالأتفاق .. عايزة ورقة عرفى موجود .. عايز تتعرفى وتصاحبى. برضه موجود. عايزة من فيينا موجود.. .. عايزة أجازة أسبوعية تقضيها مع راجل خارج فيينا؟؟ برضه موجود .. عايزة مصرى؟ ماشى الكلام .. عايزة واد أوروبى؟ برضه موجود .. عايزة قرد؟؟ نسخطة ويكون ليكى فى الوجود ..

قررى ياحلوة واحنا مع بعض هنعمل أحلى غنوة.

طبعا كده وضعت أمامها كل الحلول للعلاقة.
نقلب الان على الوش الأخر من الأسطوانة.
الطلاق مضمون ومن الان لمى لزوجك الهدوم .. وفى شنطته أرميها علشان المصيبة فى الطريق هتشفيها.
تحبى مجرد طلاق؟؟ ولا كمان عايزة تعويض وفلوس .. وزجاجتين زيت وفانوس؟
عايزة تطلقيه بفضيحة ولا طلاق فقط على الريحة؟؟
لو زوجك شغال؟؟ هنقطم وسطه ونكسر العظام .. ومن المال هنشترى وناكل .. بدل الفراخ حمام.
واذا كان لايعمل ؟ فرصة تخلصى من فقره وقرفه .. وتحققى الأحلام. فى كل منام
قررى يامدام وأحنا على أتصال .. .. وأوعى زوجك يعرف أنى انا من تخطط .. لست الحسن والجمال.

تعالى للأولاد
انا عارفة اولادك صغار .. وده احسن وقت وأجمل اختيار .. أستغلى صغرهم .. وابدأى الزن فى الودان
ارسمى لهم الورد .. وحلو الكلام .. وأن من غير أبوكم .. هنطير زى الحمام.
الفلوس هتكون بالكوم وابوكو .. مكانه السجن او البدروم.
لو كانت بنت أضحكى عليها بكام فستان .. وكل مستخبى يبان
وان كان ولد أعطيه الحرية .. حتى ولو خارج البيت هينام.
أنتى وشطارتك ياحلوه .. فرصة عمرك أمامك .. وماتحمليش هم لدكتور أسنانك.

خلص مع الشيطانة الكلام .. والمدام راحت البيت وأتعشت وعشت الأولاد بشوية جبنة وبيض
ومعاهم ثوم وبصل أخضر وفى الليل البصل له عرف وديل
وراحت شافت اقذر جلابية عندها علشان تلبسها لزوجها سعادة البيه
وربطت المنديل على دماغها والعقدة من قدام .. وطلعت لزوجها وهى شكل أبو قورة وهى بتقوله .. انت مش ناوى تنام؟؟
طبعا الزوج شاف شكلها من الخضة اغمى عليه .. وهو بيتمنى ينتهى سواد الليل .. لابيتقلب شمال ولايمين .. ولاحتى له نفس طويل.
أما المدام صوت الشخير طالع يصحى كل من فى البيت .. والبصل الأخضر طالع من فمها .. وكأنه مزروع فى الغيط.
والمنديل ابو عقدة من الأمام يخلى زوجها يخاف يقدم منها خطوة لقدام.
حسبى الله. نايم على السرير والزوج برضه له مناخير.

نام المسكين وهو لايعرف ان الزوجة قفلت فى البيت على كل شئ بجنزير .. ولازم تمشى على الخطة الموضوعة علشان يلطش معاها فى الكلام.. وتطلبه البوليس وتقول .. ضربنى فى الحمام.

ومن هنا تبدأ الحكاية وقصة خراب البيت من تخطيط واحدة شيطانة وبالنعاون مع الزوجة والأم التى لاتساوى فى سوق النساء شئ.
لأننى من وجهة نظرى ان الأم والزوجة التى تخرب بيتها وتضحى بأولادها خاصة الصغار؟؟
هى امراة ضعيفة وخاصة اذا كان قرار خراب البيت من تخطيط شيطانة خضعت لها ولكلامها. لم تراعى ضمير ولازوج ولا أولاد ولا عشرة.
أما موضوع الدين ؟ فلم ولن اتحدث عنه لأننى لست برجل دين ولا أريد ان اكون ممن فى كل شئ يفتون.
فلندع الدين لرجاله ونساءه عنه يتكلمون. وماذا قال الله .. وماذا قال الرسول ( صلى الله عليه وسلم )

الأخت الفاضلة صاحبة المشكلة
لقد عرضت الشيطانة عليكى ان تعملى يومين حلوين مع زوجك بعد شهور من الخصام. ثم تنسبى لها الجنيين؟؟
هكذا بكل بساطة وكأنك متزوجة أهبل أو طرطور او جاهل او عبيط.
بالفعل شيطانة لادين ولا ضمير .. امراة حقيرة .. لاتخضع لدين ولكننى باذن الله سوف أخضعها للقانون النمساوى بعد ان وصلنى بلاوى قامت بها.
وهى ليست الوحيدة ( واقسم بالله لولا انه يوجد تشابه فى الأسماء لذكرت أسمائهم جميعا .. ولكنى لا أريد ان يتسرب الشك لأمراة شريفة ويتهمها البعض بأنها المقصودة) فكرت أيضا أن اكتب اول حرف من الأسم ولكن للأسف سوف يوسع هذا دائرة الشبهات لشرفاء.

هل تصدقون ان بعض السيدات الشرفاء وهم الأكثر من السيدات المطلقات يتصلون بى ويطلبون منى المساعدة فى حل المشاكل الزوجية وأنهم على استعداد لاطلاع الزوجة العنيدة على ماوصل الحال بهم بعد طلاقهم وندمهم. رغم ان بعضهم لم يكن امامهم حلول اخرى سوى الطلاق. لسوؤ أخلاق الزوج.
ورغم ذالك يندمون ويقولون ( ظل راجل ولا ظل حيطة) العمر فات والأولاد كل واحد مشغول فى متاهات لابنت بتسئل .. ولا عيل عليها يطل.

نعم ياسادة يوجدسيدات مطلقات هم عنوان كبير للشرف والثقة والأمان والضمان .. وعلى ضمانتى.. اطلب من كل زوجة عنيدة قبل الطلاق ان تجلس مع واحدة منهم تسمع وترى . ثم تقرر بعد ذالك. نحن فى بلد قانون ولكن البعض يستغل ثغرات القانون. وصدق وطيبة الشعب النمساوى ومؤسساته كاملة.
ولكن مالاتعرفه الكثيرات من اتباع الشياطين ان الشرطة والمحاكم هنا يعرفون الكاذبة من الصادقة. احيانا يطبقون القانون لتوافر الادلة والشهود .. ولكنهم ينتظرون حتى تظهر الايام الكذب والخداع الذى قامت به الزوجة ليكون الرد بالقانون أقوى مما يظنون. على شهود الزور وخرابين البيوت.

ياسادة يؤسفنى أن ابلغكم ان الزوجة صاحبت المشكلة فى أحدى مستشفيات فيينا الأن بعد محاولة أنتحار من الطابق الثالث فى نفس اليوم الذى تحدثت معى ولم اعلم بالأمر سوى منذ دقائق.

ومنعت الزيارة عنها تماما بما فيهم زوجها وأبنائها بعد طلبت هى ذالك. وتعقدت المشكلة لأكثر مما توقعته انا وقبل ان احاول مساعدتها.

طلبت منها ان تطلب منهم لى السماح لزيارتها بالمستشفى ووعدتنى انها سوف تفعل ولكن ليس الأن.

أدعو لها بالشفاء ..حتى يكون لنا لقاء معها ونتابع معكم .. مصائب الشياطين

الجزء الأول من شياطين بالنمسا لطلاق وخراب بيوت المصريات( اضغط هنا )

اضف رد

لن يتم نشر البريد الإلكتروني . الحقول المطلوبة مشار لها بـ *

*