الرئيسية / أخبار الجاليات / بالصور: فى يوم الوفاء .. النادى المصرى يحلق بالجالية المصرية بالنمسا للسماء

بالصور: فى يوم الوفاء .. النادى المصرى يحلق بالجالية المصرية بالنمسا للسماء

(وطن واحد .. شعب واحد)
تحت هذا الشعار كان النادى المصرى .. يجمع الجالية المصرية فى حفل ليس له خيار
وبتشريف سعادة سفير مصر/ عمر عامر. والسيدة الفاضلة قرينته . .. أصبح المكان بالفرح عامر
وبحضور قنصل مصر العام/ محمد فرج. .. كانت الجالية المصرية فى الأعالى وكل مافيها غالى
وكمان ممثلة المصريين بالخارج النائبة/ رشا رمضان .. عضو مجلس النواب .. كانت موجودة وأتفحت قلوبنا لها قبل الأبواب
المهندس/ مصطفى عبدالله. كان موجود. ومعدى كل الحدود .. بطبعه هو ودود .. صاحب واجب على طول الخط وضع تحتها مليون خط.
المهندس/ عمر الراوى. عضو البرلمان النمساوى. حاضر وسط المهرجان .. بعد أن تم أفتتاح جلسة حفل البرلمان
وبتوافد المئات من أبناء الجالية المصرية بالنمسا .. أصبح المكان بهواء مصر أحلى نسمة
وبتشريف عرب النمسا .. أنتقلت جامعة الدول العربية وأصبح مقرها النمسا
النادى المصرى هو العنوان .. فى الوقت وفى الزمان
ومجلس أدارته بكامل هيئته .. يستحق الشكر والتقدير .. وبيهم أصبح لمصر وكيل
الأستاذ/ خالد حسين رئيس النادى .. تقدر تقول ضرب النادى .. وخلطه بعسل وزبادى
ومعه مجلس للعمل العام والندى مهندسين .. نقولهم كلهم متشكرين

الحفل كانت بدايته بالسلام الجمهورى لمصر البداية .. وبعده سلام النمسا .. لتبدأ اجمل حكاية
الصديق والزميل/ أيمن وهدان .. والصديق وائل عبد القادر .. كانو للمنصة .. مذيع ومقدم .. وكأنهم بيسردو قصة وحكاية
وكان معاه بنت سنيورة وشكلها كمان أمورة .. دماءها من دماء مصر المعمورة

رئيس النادى يلقى كلمة .. ولحب مصر فى العيون دمعة
وبعد ذالك صعد سفير مصر ليلقى كلمته .. والجالية بوجوده أصبحت عالية .. أصله صحيح ابن مصر الغالية
لو كان كل سفراء مصر بالخارج من نفس مدرسته … كان المصريين بالخارج وقفو بالقلم والكراس .. وشالوهم على العين والراس
لا أعرف .. اشعر عندما أسمعه .. وأرى طريقته فى الكلام .. أنه فى مدرسة السيسى متعلم
نفس الأسلوب .. حبه لمصر .. وأبناء مصر .. معدى كل الحدود .. وهو للحلول دايما موجود
تبنى مبادرة لتوصيل مئة طن سكر لشعب مصر .. ومن يومها .. وهو فى اتصالات يوميا .. لبعد العصر
تبنى المبادرة وكان أول من تبرع بعشرة طن من جيبه الخاص .. وكنا جميعا شهود وكتبناها فى الكراس
عمر عامر السفير .. فى شهور قليلة أصبح فى قلوب كل الناس .. والكل بوجوده أرتاح
طالب من أبناء مصر بعد مبادرة السكر .. يكون للجالية دور فى توفير الأدوية وكل شئ له دور
بصراحة الراجل عشمان .. لأنه وجد فى الجالية المصرية رجال ولا فى الأحلام
وجد جالية بتحب مصر ومستعدة .. تساعد فى كل وقت وكل عصر
عينه على الشباب .. وناوى يدخل عليهم .. من الباب والشباك
علشان يربطهم بمصر .. قبل فوات الأوان .. وقبل أن تغلق الودان
سعادة السفير .. عشمك فى محله .. الجالية المصرية بالنمسا عندها لكل مشكله وشئ حله
الجالية كان ينقصها سفير قائد وقدوة .. ووجدته وهى بتحلم لمصر تتحق كل أحلامها بكرة
وأعلن ايضا سعادة السفير عن خبر هام وأكيد
وقال مصر للطيران دخلت على الخط .. وقالت تذكرة مجانية لكل متبرع بألف ايرو .. علشان مبادرة السكر بالطن وبالكيلو

بعد ذالك كانت بداية الطرب والموسيقى
الفنانة التونسية صابرين صعدت على المسرح .. وكان الجمهور معاها بيسرح ( نجفة منورة ) والمشاعر لها متقدرة
الفنان مأمون المليجى: مالهوش حل .. الجمهور معاه لازم يشرب زجاجة خل .. بيفكرنى بالفنان محمد منير .. بادائه وصوته الجميل .. الكل له منصتيين ولكلمات أغانيه فاهمين .. واصبح فنان ومدرس للفن الجميل.

رنا سماحة: جمال وحلاوة وصوت .. أخر نقاوة .. وخفة دم بطعم الحلاوة .. صوت قوى .. يخليك تنسى همومك .. وتعيش يومك

مينا عطا: ده قصة وحكاية .. ومستقبل مطرب بلا نهاية .. والجمهور كان معاه للنهاية .. ويحمد ربنا لو خرج من فيينا وماتخطفش وما تحنطش.. وقفلو عليه مسرح لأنه ماحصلش.

الفنان ماجد: كان حسن الختام بمجموعة رائة من الأغانى الوطنية التى تلهب المشاعر والقلوب لأحلى بلد فى الوجود .. مصر بلد الهرم وحتشبسوت
ولموقع نمساوى كلمة:
أن مافعله مجلس ادارة النادى المصرى بالأمس 28/1/2017 سوف يسجله تاريخ الجاليات العربية والمصرية بالنمسا.
أنه فى هذا اليوم أستطاع مجلس أدارة النادى أن يجمع أكبر عدد من أبناء الجالية ممن أدو واجبهم بأخلاص وعملو فى العمل العام والخاص
فوجه لهم النادى كلمة شكر ورسالة أعتراف بمجهودهم تقديرا لما قامو به كل فى مكانه وتخصصه
درس للأجيال الجاية .. عن الوفاء بكلمة شكر .. وليس بطبق بامية
وقد سلمهم السفير/ عمر عامر. درع النادى. كشهادة تقدير .. وكانت فرحتهم به تحلق وتطير

وتبقى كلمة شكر لهؤلاء السيدات. لدورهم من خلف الستار
السيدة/ جيهان حرم الزميل حمدي حسان السيدة/ حرم الزميل عوض أمير
السيدة/ فاطمة حرم الزميل إمام غازي السيدة/ حرم الزميل كمال مقلد
السيدة/ حرم الزميل أشرف حسان السيدة/ منى حرم الزميل محمد عبدالله
السيدة/ راندة حرم الزميل محمد الكحكي السيدة/ هالة حرم الزميل ماهر السيسي
السيدة/ حرم الزميل محمود مقلد السيدة/ حرم الزميل عاطف حسان
السيدة/ حرم الزميل سمير عامر السيدة/ حرم الزميل شعبان قطامش
السيدة/ حرم الزميل محمد السيد السيدة/ عايدة حرم الزميل حسيب عمر
المدام / الحاجة ســيدة أم أسماء
وعلشان كل واحد فيهم حكاية .. سوف أترك لحضراتكم صور التكريم .. توكلو وفى البداية قولو ( بسم الله الرحمن الرحيم)

DSC_5687

DSC_6251

DSC_5917

DSC_5963

DSC_5909

DSC_5957

DSC_5538

DSC_5472

DSC_5441

DSC_6257

DSC_6262

DSC_5546

DSC_5891

DSC_6280

DSC_5746

عن nemsawy

x

‎قد يُعجبك أيضاً

بالفيديو وللقراءة: (اليوم الجمعة) اقرأ وأستمع معنا (سورة الكهف) من هنا

احاديث شريفه حول فضل قراءة سورة الكهف في يوم الجمعه السلام عليكــم ...