الرئيسية / أخبار الحوادث / بالفيديو.. “بشتري راجل”.. مصرية تطلب حيوانات منوية من متبرع

بالفيديو.. “بشتري راجل”.. مصرية تطلب حيوانات منوية من متبرع

كتب: عمرو عطية
أغلق موقع التواصل الاجتماعي “فيسبوك” غرق صفحة “بشتري راجل” بعد ضجة أثارتها بسبب طلبها لمتبرع بحيواناته المنوية بمقابل مادي، وأعلنت صاحبة الصفحة وتدعى شريهان نور الدين بإنشاء صفحة بديلة، في إصرار على مواصلة طلبها.

الغريب أن الصفحة تلقت عدة طلبات خلال ساعات من شباب يوافقون على مطلب الفتاة، ويطلبون التواصل معها لإتمام “الصفقة” في مشهد غير مألوف بالتقاليد المصرية أو الإسلامية.

وقالت الفتاة على صفحتها الجديدة “من امبارح بالليل في هجوم رهيب على صفحتي الأولى #بشتري_راجل والنهاردة حسابي اتقفل .. أنا عملت صفحة جديدة ولسه مكملة”.

وأرفقت الفتاة مع المنشور فيديو تقول فيه” أحلى حاجة في الدنيا الأطفال…لو أقدر، كنت جبت دستة.. بس أنا ماتجوزتش قبل كده، ولا عايزة اتجوز.. أنا ناجحة جدًا في حياتي العملية، عايشة عيشة مريحة ومش محتاجة حد يسندني ماديًا… بس بخاف قوي من الوحدة الحل الوحيد اللي قدامي إني أبقي أم”.
وأضافت “إبتديت أسأل على موضوع تجميد البويضات علشان أطول المدة اللي أعرف أحمل فيها.. المهم، وأنا بعمل تحاليل اكتشفت إن عندي مشكلة بتخلي نسبة حملي ٤٠٪ وإن كل ما الوقت بيعدي، فرصتي في الخلفة بتقل”.

وتابعت “قررت إني أعمل عملية تلقيح صناعي مع شخص مستعد يتبرع بحيوناته المنوية في مقابل مادي.. الموضوع هيمشي رسمي: مأذون –> أنبوبة معمل –> مأذون.. أنا بس عايزة طفل من غير لا غرام ولا انتقام”.

عن nemsawy

x

‎قد يُعجبك أيضاً

نادية تتبرع لزوجها بالكبد

أهدت نادية زوجها الكبد بعد أن رفض أهله التبرع له، وتدور أحداث ...