الرئيسية / أخبار الجاليات / بقلم رئيس التحرير: رئيس النادى المصرى يقف فى الغيط .. ومنتظر الصيد

بقلم رئيس التحرير: رئيس النادى المصرى يقف فى الغيط .. ومنتظر الصيد

النادى المصرى بتاريخه الطويل.. وبطول وعرض السنيين .. كل يوم فيه حكاية .. تعالو نقرأ من الرواية

يتم التلاعب بالنادى من جانب واحد .. شايف نفسه أذكى من الجالسين

وفاكر انه أذكى .. من كل أعضاء النادى المحترمين

يتلاعب بمشاعرهم .. والحجة ذبابة .. واقفة على مناخيرهم

قرار بالرفد لعضو عنتيل .. ثم بتليفون .. يطلب منه السماح .. لأنه كان شارب وقتها عصير تفاح

قرار انه نازل الأنتخابات على الرئاسة .. وفجأة مسح القرار ومزق الكراسة

قرار بانه لديه بديل ..عضو فى المقام والسن كبير .. هينزل مكانه للرئاسة وهيحطم المحاذير

لكن العضو البديل نازل مصر يوم الأنتخابات؟؟ . .. وهيدخل خطة الأستاذ فى متاهات؟؟

طبعا رئيس النادى العنتيل جلس مع المستشارين .. وأشارو عليه ينفذ .. طلب الأسياد بالبعد عن الأنتخابات.

وفى نفس الوقت يضع بديل .. أمام منافس يخشى منه ويعتبره فى نظره خطير

وراحت الفكرة وجات الفكرة .. وقرر رئيس النادى .. ضرب عدة عصافير .. وردمهم فى البير

تنفيذ مطالب الأسياد بالبعد عن الأنتخابات … وتنزيل بديل أمام المرشح المقصود .. وفى نفس التوقيت رئيس النادى واقف فى الذرة.

وهدفه اعلان سقوط المرشح والبديل … وساعتها يخرج من الذرة بمنديل ..

ويقول: أعضاء النادى قذفوه .. بالفل والزبادى .. وشالوه ورفعوه وعلى كرس الرئاسة وضعوه وبالورد والفل احاطوه .. وكملو انتم الفيلم .. علشان يصحى من الحلم

وقالو يابيه .. انقذنا من واحد .. مسلوخه رجليه .. وتعالى امسك النادى .. انت بابا .. وانت ماما .. وأحنا من غيرك .. ولاحاجة

البيه بيطلب من أعضاء النادى التوقيع .. على تأجيل الأنتخابات .. طيب ليه؟؟

المعلن: هو ان أعضاء النادى عايزين التأجيل علشان موعد الأنتخابات غير مناسب لأنهم مسافرين وعلى مصر طايرين.

الغريبة ان الجمعية العمومية كانت فقط من يومين. ولم يعترض عضو .. أو حتى أثنين. يمكن لا قدر الله كانو نايمين؟؟

والمرشح البديل أيضا كان موجود .. ولم يصدر منه كلمة يعلن من خلالها انه فى فى هذا التوقيت فى مصر موجود.

والحقيقة هى : علشان المرشح المقصود .. يوم الأنتخابات هيكون فى مصر .. وبدونه ماينفعش نصلى صلاة العصر.

طبعا ولا الدستور .. ولا حتى عند أبو طرطور .. فيه بند بيقول تؤجل الأنتخابات حتى عودة البهوات؟؟

الأنتخابات تقام فى الموعد الذى حددته الجمعية العمومية وبمن يحضر حتى ولو بعشرة افراد.

هى كانت جمعية عمومية ولا جمعية تعاونية بالمهلبية؟؟

ياسادة. الغاء ماصدر من الجمعية العمومية لايجوز الغاءه بجمع توقيعات ولكن بعقد جمعية عمومية أخرى للألغاء ماصدر.

ويبقى السؤال أين لجنة الأنتخابات من هذا  التهريج؟؟

الدستور بيقول: بعد انتخاب اللجنة يحرم على رئيس النادى أكل العيش واللحمة غير بطلب عليه طابع دمغة .. مش كده ولا أيه؟؟

عايزين نسمع رأى اللجنة قبل الليل والزحمة

عن nemsawy

x

‎قد يُعجبك أيضاً

البيه طلع خرونج … ولو فاهم ؟؟ فهمنى…

بكل بساطة أصبحت قلة الأدب والسفالة عنوان كبير فى هذا الزمن. العالم ...