الرئيسية / Slider / تحذير لكل العرب والمصريين بالنمسا. قبل القطر مايدوسك .. وتروح فلوسك

تحذير لكل العرب والمصريين بالنمسا. قبل القطر مايدوسك .. وتروح فلوسك


تعددت وأختلفت وتقدمت طرق النصب التى سمعنا عنها.
وهذه المرة ظهرت طريقة جديدة للنصب وكالمعتاد من على النت:
شوفى يامدام .. أسمع يا أستاذ
الموضوع كالتالى:
يوجد بعض الشركات والأسماء الوهمية التى تعرض على حضراتكم برامج أو منتجات مغرية ورخيصة.
حضرتك هتدخل على البرنامج أو الشركة لتنزيل أو طلب شئ رائع ومغرى وسعره لايقارن وجدته على النت.
او شركة بتقولك نزل هذا البرنامج علشان تشوف العجايب وتصرف عنك كل المصائب؟
طبعا أول شئ عند طلب الشئ أو تنزيل البرنامج؟
هيطلبو منك تضع بياناتك
الأسم والعنوان ورقم التليفون
ورقم حسابك فى البنك اللى المفروض هيسحبو منه ثمن البرنامج أو السلعة التى تريدها.
سامع واحد بيقول ديه طريقة قديمة يابو كريم؟
ماتستعجلش على رزقك وتعمل فصيح .. وأنتظر للنهاية؟
طبعا الفمولار الذى تملأه يبدأ بالأسم والعنوان والبلد والتليفون .. وهذه المعلومات؟
وأخر شئ بيطلب منك تكتبه هو رقم الكونتو ( الحساب فى البنك) والأيبن.
فيه ناس بتكتب عادى وتكمل وترسل.
وبعد كده هتسلم على الشهداء اللى هناك من الذى سوف يقومون به معاك؟
ولكن الجديد هنا لا تتخيلوه.
حضرتك كتبت كل شئ … تمام
وفى لحظة كده فكرت أو ترددت أو خفت ؟
ولم ترسل الفمولار.
ودخلت نمت وقلت ملعون أبو الفار .. اللى لعب بعقلك وكان هيقوعك ويشتت عقلك.
ومرت الأيام ونسيت الأمر تماما.
وذهبت للبنك تكشف عن حسابك وتشوف هل نزلتك مساعدات الأطفال مثلا .
أو كان ليك مبلغ عند الضرايب وهترجعه لك
أو المساعدات التى قالت الحكومة النمساوية انها سوف ترسلها للناس بسبب كورونا؟
فتجد الحساب فى البنك لم ينزل به أى شئ؟؟
طبعا حضرتك عارف ان مساعدات الاطفال مثلا موعدها 2 سبتمبر؟
ولحد 10 سبتمبر لم تصل للبنك؟
قوام أتصلت بالجهة المسؤولة .. تشتكى وتلعن وتقول حاجة مش معقولة؟
الموظف يفاجئك بالقول أن الفلوس أرسلت فى موعدها على حسابك.
حضرتك طبعا بتقوله ماحصلش.
الموظف أخر مابيتخنق منك بيقولك ..
ممكن لو سمحت تقولى رقم حسابك فى البنك؟
حضرتك بتمليه الرقم وأسم البنك. وهنا الصدمة؟
الموظف بيقولك: كلامك غير صحيح حضرتك غيرت رقم حسابك عندنا من أسبوع أو شهر؟
وطبعا حضرتك بتحلف انه لم يحدث.
الموظف بينظر فى الرقم مرة ثانية وبيأكدلك أن المحاسب الخاص بك هو من قام بتغير رقم الحساب.
وهنا المفاجأة والصدمة الحقيقية .
لقد تم الأستلاء على كل ماترسله هذه الجهة وغيرها اليك وبدلا من ان تصلك لحسابك بالبنك؟
وصلت لحساب أخر وبنك أخر.
طيب أيه اللى حصل يابو كريم؟ وأزاى خدو بياناتى وأنا لم أكمل الفمولار ولم أرسله حتى؟
الاجابة ببساطة مع العلم والتكنولجيا والتقدم ..
اللصوص لديهم برنامج ..
عندما تفتح الفمولار وتبدا فى كتابة بيناتك يكون اللصوص يجلسون ويرون على الجانب الأخر كل حرف تكتبه فى الفمولار وانت تكتبه ودون ان تشعر بذالك.
وهنا يحصلون على كل بيانتك دون حتى أن ترسل الطلب.
ويكفى أن يتصلو بالجهات التى يعرفون جيدا أنها ترسل الأموال لعامة الشعب كالمساعدات وغيرها.
وطبعا أغلبية هذه الجهات تكتفى بأن تطلب منك البيانات وتنفذ ماتطلبه منهم. وهم لايطلبون من هذه الجهات سوى تغير رقم الحساب الموجود لديهم برقم حساب اللصوص.
واللطم ياسى محروس؟؟
كلامى واضح ؟؟ ولانقول كمان علشان مايتنصبش على الأستاذ كمان؟؟
مع تحيات نمساوى أبو كريم
من فضلكم شيرو ( شاركو) المقالة عندكم .. فلقد وصلنى عدة أتصالات حتى الأن من بعض من وقعو فى الفخ و أتنصب عليهم بهذا الشكل.

عن nemsawy

x

‎قد يُعجبك أيضاً

القنصل المصرى بالنمسا يغادر منصبه ومعه قلوب المصريين.

نعم بكل أمانة وصدق هذا الرجل أنتزع قلوب المصريين بالنمسا من خلال ...