الرئيسية / رسائل ابو كريم / خلى عندك نظر… واشترى للمدام جزر

خلى عندك نظر… واشترى للمدام جزر

خلى عندك نظر… واشترى للمدام جزر
كثيرا هى المواقف الباكيه المضحكه التى تقابل كل منا فى كل مكان وزمان ولاكن ليس الكثيرون منا يستطيعون ان يعبرو عما رأو أوسمعو من بنى الانسان من مواقف وطرائف. وهذه الواقعه لايزال ابطالها يعيشون بيينا فى سلام وامان.
وكنت قد نسيتها من زمان ولاكن رغم مرور السنيين والايام وجدت نفسى امام ابطالها الذين لم اراهم من منذ اعوام. والحكايه بدات بمطار فيينا.
كنت فى احد الايام مسافر انا والمدام والاولاد كمان
وبعد دوشه الميزان ومن غير وزن زياده كمان
ومن غير سردين وفسيخ جلست انا والمدام ناخد نفسنا فى الامام.
تقدم منا شاب فى ريعان الشباب وكان معاه الست زوجته كمان
كانو بطولهم يعنى بلا اولاد او حتى دولاب كانو لسه يدوب متجوزين
ولم يكن لى به سابق معرفه من بعيد او حتى قريب
وبدون مقدمات قال لى الشاب…. حضرتك مسافر مصر؟
قلت له بدون اهتمام نعم مسافر اجازه انا والمدام والاولاد ومش ندمان
قال ممكن تأذنولى انى أوصيكم على المدام
انهامسافره مصر لوحدها لاول مره بعد الزواج ولاتعرف احد من الركاب
يعنى امانه معاكم توصلوها لحد الباب
رديت انا والمدام وقلنا الامانه هتوصل وكمان نفتحلها الباب
جلست المدام معانا واستاذن الشاب وقال سوف اشترى شئ واعود حالا
عايز اعمل واجب تفتكرنى بيه زوجتى ست الحسن والجمال
قلنا انا وام العيال .عرايس ومن حقهم يهادو ويتاهدو
وتركنا الشاب على وعد العوده بعد دقائق لشراء هديه لعروسته
وبعد دقائق عاد الشاب ومعه شئ لم نتبين ماهو فى البدايه لانه كان موضوع فى كيس واعطاه لزوجته مع كلمتيين حلويين مثل. لوكان بأيدى لكنت افضل جنبك واجيب لعمرى الف عمر وحبك.
وبعد ذالك سلم عليينا جميعا وقال لى استاذنك الان لان عندى شغل وانا مطمئن تماما على زوجتى معكم انتم واولادكم.
قلنا سلام ولاتشغل بالك كله انشاء الله يكون تمام ومتشغلش بالك على المدام
وتوكل على الله الشاب وجلست زوجته مع ام الاولاد تاخذ وتدى فى الكلام والسلام والاطمئنان.
وبعد ان بدات الرهبه من السفر وحدها تروح وزادت ثقتها فىام العيال فجاه افتكرت تفتح الكيس الذى احضره لها زوجها وانشغلت وقتها ولم تفتحه
وفتحت الكيس ونظرت فى داخله وانفجرت فى الضحك
وانا وام الاولاد لانعرف ماذا وجدت داخل الكيس والذى كان السبب فى كل هذا الضحك تفتكرو سى الاستاذ جايب للعروسه زوجته ايه؟؟؟؟
مدت العروسه ايدها فى الكيس واخرجت كيس جزر والله كيس جزر
وانفجرنا انا وام العيال والاولاد والعروسه زوجته فى الضحك.
ولاكن ماذا حدث بعد ذالك
العروسه وام الاولاد اخذو المسئله ضحك وهزار ونسيو حتى يتعرفو على بعضهم البعض بالاسماء ومر الوقت وهم يضحكون علىالجزر الهديه.
تخيلو عروسه اول مره تنزل مصر ولوحدها جايبلها زوجها كيس جزر هديه
المهم . قمنا بعد شويه انا والاولاد نتمشى قبل الميعاد وتركت المدام مع العروسه تطمنها انه مفيش خوف وكل شئ بأمر الله.
ورجعنا بعد شويه وجدت ام الاولاد بتجرى هنا وهناك فى ايه ياام الاولاد
قالت الحقنى العروسه فص ملح وداب.
اختفت العروسه من امام ام الاولاد ازاى وليه منعرفش
وسالت ام الاولاد هى اسمها ايه
قالت ماعرفش الكلام اخذنا وما سالتهاش وكنت بتكلم فى التليفون وفجاه مالقتهاش
يادى المصيبه دى امانه معانا وزوجها ايضا لانعرفه ولانعرف اسمه ماذ نفعل الان وبدا مخ اخوكم ابو كريم يفكر ياترى نعمل ايه قبل العروسه ماتتبخر
وكيف نسال عليها واحنا حتى لانعرف اسمها
جاءت الفكره وراحت الفكره واخيرا وجدت الحل ومن غير انتظار قمت انفذ الافكار وبدات انادى فى المطار باعلى صوتى
يامدام يا بتاعت الجزر…. ياعروسه يا بتاعت الجزر ….ياست يا بتاعت الجزر
وانا رايح جاى وفشلت المحاوله الاولى
وقلت افكر مره اخرى ورتبت افكارى من تانى ووجدت حل اخر وقلت لنفسى قوم بسرعه نفذ يابو كريم قبل التبخير
ووصلت الى مكان الجوزات فى مطار فيينا وكلما مر امامى راكب عربى او مصرى او حتى نمساوى اقول له لوسمحت لو وجدت ست فى ايديها جزر قول لها انه يوجد عائله بكامل هيئتها تبحث عنك لانك امانه معاهم عودى الى حيث كنتى تجلسين ستجدينهم وهم مسمحيين.
وبعد ربع ساعه ظهرت النتائج وجدت العروسه تعود ناحيه باب الجوزات ووجها مثل الطماطم من الخجل ولاتستطيع ان تقف على قدميها من الضحك
وقلت لها كده برضه تمشى من غير ماتقولى قالت انا وجدت الناس كلها بتدخل على الجوزات دخلت معاهم لان ام الاولاد كانت بتتكلم فى التليفون وكنت لااريد ازعاجها
وقلت لها وما الذى رجعك الى الجوزات مره اخرى قالت كل مايدخل شخص مصرى او عربى ويلاقى فى ايدى الجزر يقولى الناس اللى انتى امانه معاهم يبحثون عنكى وهم منتظرينك عند الجوزات فعدت الى هنا
ثم سئلت هى الناس دى عرفت منيين انى انا المطلوبه فقلت لها من الجزر.
المهم نزلت العروسه مصر ولم اراها وبعلو صوتى فى مطار القاهره وزعقت وقلت ياست يا بتاعت الجزر قلتها مره واحده والمصريين بخفه دمهم المعهوده وحب المساعده ورايا بصوت واحد (خللى عندك نظر ودور معانا على بتاعت الجزر) وفى ثانيه كانت جنبنا ولازال فى ايديها الجزر وكيف لا وقد اصبحت اشهر من الجزر نفسه.
هذا الموقف كنت قد نسيته تماما ونسينا حتى شكل العروسه وزوجها وبعد مرور خمس سنوات كنت انا وزوجتى نجلس عند احد الساده ألأطباء فى فيينا فى انتظار دورنا للدخول للطبيب وفجاءه وجدنا سيده تقف امامنا وهى تضحك بكل مالديها من قوه وتقول انتو فاكرنى ولا .لأ وقلنا لها لامؤ خذه مش واخدين بالنا فقالت لنا انا بتاعت الجزر من خمس سنوات مطار فيينا
ووجدنا نفسنا فى هستريا من الضحك داخل عياده الطبيب لم نستطع السيطره على انفسنا جميعا وكان معها زوجها وقال لى زوجها لقد حكت لى زوجتى على كل ماحدث وكنت اتمنى ان اعرف رقم تليفونكم ولاكن رب صدفه خير من الف ميعاد.
بقى ان تعرفو ان هذين الزوجين عندهم من الاطفال الان ثلاث بعد مرور خمس سنوات وحتى الان لم نسئلهم عن اسمه او اسمها.
ولاكن الاهم عندى اننى كنت اريد ان اسئله لماذا احضر لعروسته الجزر فى المطار وليس اى شئ اخر ولازلت اتوجه له بالسؤال عبر المقال فهل يستجيب
ويخرج عن صمته بالاسرار

(محمدأبوكريم)
069918100834
Momomomo48@hotmail.com

عن nemsawy

x

‎قد يُعجبك أيضاً

انتحار ضحية شياطين الطلاق بالنمسا

الجزء الأول من شياطين بالنمسا لطلاق وخراب بيوت المصريات( أضغط هنا ) ...