أخبار عاجلة
الرئيسية / Slider / ريهام سعيد تهاجم حسن شاكوش: ” غلطت في أهلي وشرفي.. وأنا عارفة مين وراك

ريهام سعيد تهاجم حسن شاكوش: ” غلطت في أهلي وشرفي.. وأنا عارفة مين وراك

هاجمت الإعلامية ريهام سعيد، مطرب المهرجانات حسن شاكوش، وذلك بعدما نشبت خلافات بينهما، بسبب مطالبتها له بإحياء حفل تخرج أبنائها في الساحل الشمالي، مما تسبب في أزمة بينهما وصلت للمقاضاة.

وقالت “سعيد” خلال بث مباشر على صفحتها الرسمية بـ”فيس بوك”: “أنا عارفة إن في واحدة زقته.. فنصيحة مني يا شاكوش متخليش حد يزوقك على حد.. عشان الدنيا دوارة وممكن تلف ويتعمل معاك كده.. وأنا شايفاك حد غلبان وتم استعمالك غلط”.

واستكملت: “متطلعش تتكلم على أعراض ناس عيب.. في أصول.. اطلع قول كدابة مبحبهاش.. متطلعش تقول أنا شفت حاجات مينفعش أجيب سيرتها أو أتكلم عنها.. الحاجات اللي شفتها دي أكتر من الحاجات اللي بتشوفها في الأماكن اللي بتغني فيها.. أنا دورت على عنوانك.. عشان أرفع عليك القضية لقيتك من ناهيا.. قولت منين هناك قالولي في بولاق الدكرور كده من حارة صغيرة كده.. يعني جاي من خلفية بسيطة، وناس جدعان”.

وأردفت: “عيب أطلع أتكلم في أعراض حد.. غلطت في أهلي وشرفي.. وعيالي اللي بتقول شفت حاجات مش عارفة إيه أنت متحلمش تسلم على عيالي.. لأنهم ناس محترمة جدا”.

واختتمت: “عيب الشهرة تغيرك.. شغلتك زي الدكتور لما تدخل حفلة خاصة أو فرح متطلعش تقول شفت إيه.. وأنت غنيت للخمرة وللحشيش وأماكن أنت عارف اسمها وطالع تتكلم على عيالي أنا.. اللي تعبت فيهم”.

وقالت سعيد” إنها تواصلت مع حسن شاكوش عبر تطبيق “واتساب” قبل فترة، وطلبت منه أن يحيي حفل تخرج أبنائها في الساحل الشمالي أثناء وجوده هناك، وظل كلاهما يتبادل الرسائل لمدة ثلاثة أيام، ثم اكتشفت أن الشخص الذي تتحدث معه مدير أعمال المطرب وليس حسن شاكوش.

واستكملت الإعلامية أن مدير أعمال حسن شاكوش، طلب منها 30 ألف جنيه مقابل إحياء الحفل، ولكنها رفضت وحاولت أن تتفاوض معه، قائلة: “هم 5 دقائق بس يغني بلاي باك ويدوب يحرك شفايفه ويمشي مش مستاهلة 30 ألف جنيه”.

وتابعت: “مدير أعماله قال مينفعش يغني بلاي باك عشان نقابة الموسيقيين، وحسن شاكوش جه لحد باب القرية السياحية في الساحل ورفض يدخل وكسر بخاطر ولادي اللي بيحبوه وطلبوا يشوفوه”.

عن nemsawy

x

‎قد يُعجبك أيضاً

هذا القانون يدفعك للحرام.. ضوابط الزواج الثاني في مشروع قانون الأحوال الشخصية الجديد

قالت النائبة نشوى الديب إن مشروع تعديلات قانون الأحوال الشخصية، جاءت بهدف ...