الرئيسية / أخبار مصرية / ستات وحلويات .. وكرشة ومنبار .. وعليهم كيلو خيار

ستات وحلويات .. وكرشة ومنبار .. وعليهم كيلو خيار

تكتبها / رشا شلباية
هيا الستات عاوزه إيه ؟
مش عارف يا أخي الست من دول تبقي آيدلها صوابعك العشين شمع وبرضه مافيش فايدة يا جدع، لاوية البوز والتكشيرة إللي تسد النفس والعياط والإكتئاب وماشيالك بشعار يوميات إمرأه تعيسة.

ستات مابتحمدش ربنا مش مقدرة أن الراجل بيشتغل ليل مع نهار عشان يكفي طلباتها ومصاريف البيت والعيال ويرجع أخر اليوم عاوز يرتاح في بيته والست هانم تقابله بموشح عن غلبها مع العيال ولا خنقتها من قعدة البيت ولا حكاويها بقي عن صحاباتها إللي تجيب الصداع!
نتيجة بحث الصور عن المشاكل الزوجية

– تسمحلي يافندم أجاوبك علي سؤالك وأقولك هى الستات عاوزه إيه ؟
أولاً : عشان تعرف الست عاوزه إيه لازم تفهم طبيعة خلقتها المختلفة عن طبيعتك كرجل.

الست كائن عاطفي يتغذي علي الإحساس بالأمان ومتعطش دائم للحنان والرعاية، إديها حنية وحب وراعي مشاعرها قبل إحتياجاتها المادية تديك عنيها، إللي إنت ماتعرفوش أن معظم الستات سبب رئيسي في قرار زواجها بيبقي حلم “الحضن” أيوه ستات كتير بتتجوز عشان تتحضن ، أه والله زي ما بقولك كده لأن الحضن بالنسبة للست بيمثلها الأمان الحب الإحتواء الحنان، لحظة الحضن دي هى إللي بتحس فيها أنها ملكة زمانها وعندها كل إحتياجاتها المعنوية في الحياه، وإذا الزوج عيشها اللحظة دي بصدق ساعتها ممكن تتغاضى عن أي إحتياج مادى يعني هتبطل تشتكي من مصروف البيت إللي مش بيكفي وعن عدم مشاركتك ليها في مذاكرة العيال وتظبيط البيت وغيابك الطويل في الشغل، وإنك مش بتخرجها و… و … و… لأنك بتكون ادتلها جرعة المشاعر إللي قلبها وعقلها بيتغذوا عليها بالتالي بيكون عندها القوة إللي بيها بتقدر تواجه تحديات حياتها اليومية .

وأقولك كمان :
تعالي علي نفسك و إسمعها شوية معلش عارفة إنك راجع من الشغل مصدع ومش طايق بس ممكن تقولها بكل هدوء حبيبتي أنا نفسي أتكلم معاكى وأسمعك بس أنا تعبان دلوقتي شوية كده أروقلك دماغي ونحكي براحتنا، هتلاقيها من نفسها سكتت خالص لحد ما إنت تطلب منها تتكلم و مش لازم تلعن في غبائها ، وأنها ما عندهاش مهارة إختيار الوقت المناسب هى برضه جواها كتير وإذا ما اتكلمتش مع شريك حياتها هتتكلم مع مين! والله الكلمه الحلوه بتفرق كتير جرب ومش هتخسر صدقني.

وحاول ما تسمعش لزمايلك في الشغل إللي عادة بتكون حكاياتهم فاشلة وممكن تأثر عليك بالسلب وبالذات صاحبك إللي عامل فيها سبع الليل ده مدرب الوحوش لأن ده أكتر واحد هتلاقيه فاشل في حياته عشان كده بيحاول يوصلك إنك خايب ومش حاكم بيتك ولازم تدبح القطة وتحضرلها العفريت وتسلخ الكتكتوت والخزعبلات دي، إللي بتوصل الأمور لحيطة سد في الأخر!

الست مش لوغريتمات بالعكس دي ممكن التعامل معاها يبقي من أسهل ما يمكن لو فهمتها صح وعرفت المفتاح منين “شوية حنية، شوية طبطبة،شوية إهتمام شوية تفاهم تبقي حياتكم أسعد ما يكون”

ستات

ستات

عن nemsawy

x

‎قد يُعجبك أيضاً

العثور على متفجرات شرق فرنسا

القسم الخارجي كشف فحص روتيني لحركة المرور في شرق فرنسا عن ترسانة ...