أخبار عاجلة
الرئيسية / بانوراما نمساوى / فيديو: ضربني بوكس في وشي

فيديو: ضربني بوكس في وشي

محمد القاضي
كشفت الفنانة شاهيناز ضياء، تفاصيل واقعة تعد زوجها عليها.

وقالت “شاهيناز”، خلال استضافتها ببرنامج “رأي عام”، تقديم الإعلامي “عمرو عبد الحميد”،: «أنا كنت مسافرة خارج مصر أصور كليب بعلم زوجي، وطلب يأخذ الولد في الوقت اللي أنا سافرت فيه، وأهلي أعطوا له الولد بحسن نية».

وتابعت: «أخذ الولد وبدأ يبعت لي تهديدات علي الواتس اب، وأول ما نزلت مصر كلمت صاحبه، علشان يجيب الولد، وبعد ما كلمه اتفقنا إني هروح ليه علي الكافيه بالليل يوم السبت علشان الولد هيكون معاه»، مضيفة: «روحت الكافيه ووالدتي كانت معايا وفضلت في العربية جنب الكافيه، ونزلت لوحدي علشان أخذ الولد، لقيته واقف خارج الكافيه بيتكلم في التليفون والولد مكنش معاه».

وأضافت: «سألته علي الولد قالي مش معايا، قولتله أما تجيب الولد ابقي هاتهولي علي البيت ومشيت ركبت العربية، جه ورايا قاللي انزلي، قلت له مش هنزل واللي بيني وبينك الولد بس، مش هتكلم في أي حاجة غير كده، زعق وقال لي اما اقولك انزلي تبقي تنزلي بدل ما أمد إيدي عليكي، وشتم أمي بألفاظ قذرة».

وأشارت «زعقت فيه جامد أما شتم أمي، وفتح باب العربية ومسك فيا وضربني، أمي جريت علشان تمنعه ضربها ووقعت علي الأرض، وأما جيت أدافع عن أمي ضربني بوكس في وشي، ومناخيري نزلت دم، وأغمي عليا والناس اتلمت وهو فضل يشتم»، موضحة: «الواقعة كانت جنب الكافيه، والناس كلها كانت شايفانا، ومفيش أي حد حاول يتدخل».

عن nemsawy

x

‎قد يُعجبك أيضاً

شاهد معنا .. التحرش بفتاة في مطار القاهرة

قالت الاعلامية لميس الحديدي الاعلامية، إن هناك فتاة تعرضت للتحرش في مطار ...