الرئيسية / Slider / لو فاهم فهمنى؟؟ لو مريض ومحتاج علاج؟ نمساوى ابو كريم عنده فى الدولاب

لو فاهم فهمنى؟؟ لو مريض ومحتاج علاج؟ نمساوى ابو كريم عنده فى الدولاب


طبعا حضرتك داخل تقرأ ومتخيل ان ابو كريم اصبح طبيب بدرجة زبيب

لايا مدام ولا يا أستاذ
كل مافى الأمر أننى أكتشفت البلد الوحيد فى العالم الذى لديه علاج لكافة الأمراض من الصداع حتى السرطان.

طبعا هتقولو ازاى يابو كريم واحنا عارفين البير؟

لا عندك يا أستاذة وعندك يابيه .. من فضلكم لاتشككو فى كلام ابوكريم

مهما كان المرض العلاج موجود ولكن من الواضح ان سعادتك ماشى بالمقلوب.

بتشتكى من ايه؟؟ ياسعادة البيه

من الصداع ولا من الأنتفاخ ولا من كبر الدماغ؟

عندك مغص ولا محتاج عملية؟ فى مستشفى لها شئ من الأهميه.

اتحداكم جميعا لو انه يوجد مرض او شخص مريض . ويفكر مجرد التفكير انه يروح لطبيب

شوفو ياباشوات .. مهما كان مرضك؟ .. موجود العلاج.

وسوف تحصل عليه فى ساعات .. وتدفع قبل الممات

سامع واحد بيقول منين يابوكريم؟

سعادتك افتح التلفزيون وشاهد القنوات المصرية والأعلانات.. وهناك ستجد العلاج

سعادتك تخين؟ عندهم لك فوزلين
سعادتك رفيع؟؟ عندهم لك صفيح
سعادتك عاجز ومشلول؟؟ عندهم ام الخلول
سعادتك ركبك مكسرة ؟؟ عندهم ركب محمرة
زوجتك منكده عليك؟؟ عندهم علاج يخليك سيد البيت
زوجتك طالبة الطلاق.. عندهم شيخ يرجعها ندمانة على اللى فات
عندك سرطان عندهم ثوم يشفيك لما تاخده .. وتقوم من النوم
شعرك وقع واصبحت اقرع ؟؟ .. عندهم علاج والشعر  ينزرع
ده غير العسل .. كل واحد عامل اعلان ومغير شكل ونوع البرطمان.. ويقولك ده عسل البرلمان.. بيشفى العليل .. ومريض القلب بعده بيطير
والثانى بيقولك .. ولا مريض سكر ولا جرجير .. عسل البرطمان .. لكل الأمراض والألام

بصراحة النصب على الناس اصبح بشكل رسمى .. سواء اسمك نظمى او حتى رسمى

وأكثر شئ يحرق دمك عندما يقول لك فى نهاية الأعلان .. بتصريح من وزارة الصحة المصرية؟؟
طيب لو سعادتك فاهم فهمنى ؟؟؟؟؟؟؟؟

افهم من كده ان وزارة الصحة شربت الدواء وتأكدت من النتائج؟ ولا كله عند العرب زبادى؟؟

ياترى عندكم رد؟؟ شكلكم من ابو كريم اتخض

عن nemsawy

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

الدول العربية الأكثر تضررا بفيروس كورونا

يتصدر العراق قائمة الدول العربية من حيث عدد الإصابات المسجلة بفيروس كورونا ...