أخبار عاجلة
الرئيسية / أخبار مصرية / مبارك الحرامى يعترف بحجم أمواله وأسم البنك ويشترط حصوله على نصف مليار

مبارك الحرامى يعترف بحجم أمواله وأسم البنك ويشترط حصوله على نصف مليار

روى كريم حسين، أدمن صفحة “أنا آسف ياريس”، المؤيدة للرئيس الأسبق حسني مبارك، رد فعل مبارك، بعدما سأله، عن الـ12 مليار جنيه، والتي قيل أنه يضعها في أحد البنوك.
وقال كريم، خلال صفحته على “فيس بوك”: “مرة كنا قاعدين مع الرئيس مبارك، في مستشفي المعادي، وأحنا بالمناسبة زيارتنا بتختلف عن زيارة أي حد له، لإنها بتعبر جلسة أشبه بالحوار الأبوي، من الأب لأبنائه”.
وتابع: “وكنا بنستغل كل دقيقة معاه، في أننا بنسأله عن أي سؤال بيدور في بالنا، وبال المجتمع، وبكررها أي سؤال مهما كان حساس أو محرج، وكان بيجاوبنا بكل صدر رحب، وبكل شفافية وصراحة، لدرجة أنها بتكون صراحة صادمة أحياناً”.
وأردف: “فمرة كنا بنتكلم وبندردش كدة، روحت طالع في نص الكلام زي عفريت العلبة، والمعروف عني أني مبعرفش أزوق الكلام، وأي حاجة بتيجي في بالي بقولها، فروحت قايله.. (ياريس بيقولوا أن حضرتك عندك مليارات في البنوك برة مصر).
واستكمل: “بصراحة أنا مخدتش بالي من السؤال اللي دبيته ده وأنه ممكن يكون محرج أو يضايق، وحطيت نفسي مكانه لو حد قالي كدة، هقوله أمشي اطلع بره على طول، لقيته راح باصصلي بنظرته المعروفه، وراح ضاحك ضحكته المشهورة، وقالي بص بمناسبة الكلام عن الفلوس والكلام ده، أنا هحكيلك حكاية حصلتلي أيام الإخوان، فقولتله اتفضل حضرتك”.
وتابع نقلاً عن مبارك: “قالي أيام الإخوان لما ودوني سجن طرة، فكان كل يوم يبعتولي قاضي تحقيق “بدون ذكر أسماء”، يقولي كل شوية قولنا ياريس شايل كام بره.. كل يوم يجي يسألني نفس السؤال، وأنا مردش، فضل علي الحال ده حوالي شهرين، يقولي ياريس قولنا شايل كام برة، وشايل فلوسك فين، المهم صعب عليّ، روحت نادهله قولتله خد عايزك، فجالي، قولتله أنا هقولك على سر بس أحلف أنك متقولوش لحد، قالي قول ياريس، قولتله لا “أحلف” الأول فراح حالف”.
وقال: “قولتله بص أنا شايل بره 12 مليار دولار، خدوا 11 ونص، وسبولي نص مليار أعيش به أنا وأولادي.. الريس هنا بيحكلنا أن وش قاضي الإخوان لما الريس قاله كدة، أزاي وشه جاب الوان ونور كدة من المفجأة، و الاندهاش، فقاضي التحقيق قاله موافقين بس قولنا شايلهم في بنك أيه.. الرئيس مبارك قاله أنا شايلهم في البنك الأهلي، فقاضي التحقيق وشه اترسم عليه علامة النصر وأنه أخيراً قدر يجيب قرار الرئيس مبارك ويحل لغز ال30 سنة، حاجة زي المفتش كونان كدة، وأخيرا الإخوان هيلاقوا حاجة يقولوها للناس وانتصار جديد يبرروا بيه فشلهم، المهم قاضي التحقيقي بعدما نفش ريشة وحط ايده في جيبه وراح بكل ثقة قاله ياريس قولنا شايلهم في أي فرع”.
وأضاف كريم: “راح الرئيس مبارك باصصله بنظرية سخرية، وقايله شايلهم في البنك الأهلي ولسه قاضي التحقيق بيقول هييه، راح الرئيس مبارك قايله شايلهم البنك الأهلي فرع المريخ”، مختتما: “الرئيس مبارك قالنا الأفية ده، من هنا وكنا وعاصم واقعين قدامه علي الكراسي من الضحك”.

عن nemsawy

x

‎قد يُعجبك أيضاً

على نفقة مصر: مغادرة 4000 سائح أوكراني إلى دول مجاورة لبلادهم

أعلنت الحكومة المصرية مواصلتها تقديم ما يلزم من مساعدات ودعم للسياح الأوكرانيين ...