الرئيسية / Slider / مفيش فايدة. أدفعى يامدام وأصرخ ياسى أمام .. كتبت وحذرت. ولكن؟

مفيش فايدة. أدفعى يامدام وأصرخ ياسى أمام .. كتبت وحذرت. ولكن؟


ملحوظة: الأسماء الموجودة والمذكورة بالمقال وهمية ولاعلاقة لها بالأسماء الحقيقية.
رغم أننى كتبت أكثر من مرة وقلت أن على كل السيدات المسافرين من والى النمسا أن يحذرو من الجمارك وخاصة الذهب.
ولكن للأسف بعض السيدات أعتقدو أن تحذيرى مجرد كلام؟
والبعض الأخر أعتبر نفسه أنه الأعلى ذكاء من رجال الجمارك وأنهم يستطيعون أخفاء الذهب والمرور به بدون غرامات.
وعاد العرب والمصريين من الأجازات
وكانت الجمارك منتظرينهم .. وعلى أهبة الأستعداد.
وتعالى ياام أبراهيم نشوف شنطتك فيها أيه؟
فرخة محمرة .. ودكر بط .. طالع عينك عليه ..
ودفعت الغرامة وأتصادرت الفرخة والبط ..
واترمو فى الزبالة أمام عنيها وبأديها.
وتعالى يا أم حمادة نشوف جايبة معاكى ايه؟
جايبة حلة محشى ومعاها 2 كيلو لحوم بلدى من ام 200 جنية ..
ودفعت الغرامة والدموع جوه عنيها عليه.
وتعالى يا أم أحمد نشوف معاكى أيه؟
الجهاز ضرب صفارة .. أن أم محمد جايبة سمن بلدى يكفى عمارة ..
ولفاها بمنديل .. يتحط فيه فيل..
ودفعت الغرامة وأتصادر الفيل والمنديل.
وتعالى يا أم سيف .. علشان جوه شنطتك نشوف.
يانهار .. رنجة وفسيخ وملوحة .. ليلتك فايحة يا أم سيف ..
جايبة محل فسخانى وأتفرج يا معجبانى.
رجال الجمارك وضعو بدل الماسك على الوجه بمبرز .
ورشو المكان والمطار بريحة العنبر
ولكن على مين؟ ده أم سيف جايبة نووى
لاتوقفه ريح لأنه اصل الملوحة والفسيخ.
زوج أم سيف خد ساتر وهو بيدعى وبيقول يارب ياساتر
أستر على أم سيف بعد أن أنكشف الفسيخ ورسيت على طبيخ.
والست سناء جايبة معاها 5 كيلو ليمون وزيهم زيتون لزوم التحليل والتخليل.
وكأنها رايحة معمل التحليل.
أما السيدات: مدام سيدة وكوثر وصفاء وسامية وشلبية ومديحة وغيرهم كتير.
وقعو فى ايد اللى مابيرحمش.
الذهب فى ايديهم كان على عينك ياتاجر
والجمارك شافت شغلها والغرامات كانت على الجرام يقترب من المبلغ المدفوع فى الذهب.
اما الست روحية .. دبست نفسها فى قضية
بتهمة التهريب لأنها كانت للذهب مخبية.
والأن فى أنتظار محكمة وقضية.
وكالعادة أنهالت المكالمات على العبد لله ..
واحدة بتبكى على الفرخة
والتانية على دكر البط دايخة
والثالثة هتموت بحسرتها على ريحة السمنة الفايحة
والرابعة من مصادرت الفسيخ على المستشفى رايحة
والأخرون على الذهب والجمارك بيقولو هنموت ..
وبيصرخو ويقولو توت
وشوف لنا حل يابو كريم .. أو حتى كباية عصير
للأسف حذرت وكتبت كتير .. ولكن المصرين والعرب شايفين نفسهم انهم أكبر وأتخن كتير من جمارك فيينا العناتيل.
ملحوظة: الأسماء الموجودة والمذكورة بالمقال وهمية ولاعلاقة لها بالأسماء الحقيقية.

عن nemsawy

x

‎قد يُعجبك أيضاً

القنصل المصرى بالنمسا يغادر منصبه ومعه قلوب المصريين.

نعم بكل أمانة وصدق هذا الرجل أنتزع قلوب المصريين بالنمسا من خلال ...