أخبار عاجلة
الرئيسية / رسائل ابو كريم / من النمسا: الجزء الثانى من ( المرأة التى غلبت الشيطان )

من النمسا: الجزء الثانى من ( المرأة التى غلبت الشيطان )

أعرف ان حضراتكم منتظرين على نار بقية الحوار ..
رسائلكم وتعليقاتكم هى نجاح لى ووسام على صدرى من حضراتكم.
اتمنى ان يكون الأسلوب الساخر فى الكتابة يعجب حضراتكم؟

عاد الزوج من مطار فيينا بعد أن ودع زوجته الست بهية
وبعد أن أختفت زوجته عن الأنظار عندما كان يودعها وهى فى طريقها للمرحلة الأخيرة للصعود الى الطائرة.

وبعد تأكده ان الهم أنزاح .. وأنه خلص من زوجته أنشراح.
طرد الخوف من قلبه وعلى أغنية عبد الحليم حافظ .. بدأ .. يدندن ويغنى. راح .. راح .. خد علقة وراح .. وراجعة من بعده كل الأفراح. راح .. راح

عاد الزوج لشقته التى كانت الزوجة قد استولت عليها أثناء أقامتها معه .

وبعد ابعاد الشرطة له وزجه فى السجن بعد ضرب زوجته علقة موت.

بدأ فى تمزيق ملابس زوجته وكل مايخصها وهو يلعن فى أبوها وأمها وكمان جدها.

أخيرا تحرر وأصبح حر فى البيت .. وشعر بالجوع .. ودخل عمله جبنه وبيض.

وجلس يأكل وحيد .. وهو غير مصدق أنه بالفعل جالس فرحان وسعيد

أتصل الزوج بصديق من الواضح أنه كان له شريك فى خطة سفر الزوجة التى نجحت نجاح ساحق أكيد.

ودار الحديث بيين الأثنين .. وكان يوم السبت وليس الأثنين.
الزوج: خطتنا نجحت يامعلم .. وزمانها فى مصر مع نفسها بتتكلم

الصديق: عايز الحلاوة ياباشا .. وفوقيها كمان شوية غباشة.

أتضح من حديث الصديقين أنهم خططو كل شئ مع بعض. ..
والصديق لصديقه وقت الضيق.

الزوج ذهب لشركة الطيران وقطع تذكرة طيران لزوجته .. فقط ذهاب .

لأن العودة فقط للأحباب .. وهى الأن أصبحت الد الأعداء.

وقرر الزوج بعد نزولها يطلقها فى مصر ويجيب شهادة الطلاق ويلغى أقامتها فى النمسا وكل عصر.

وخطة الخداع الأستراتيجى نجحت تماما .. عندما اقنعها أنه على ضربها ندمان .. وعلشان كده جبلها تذكرة الطيران .. علشان تسافر مصر .. تاكل تين ورمان.

جلس الصديقان يضحكان ويتخيلان الزوجة وهى فى مصر بعد أكتشافها المقلب بعد العصر.

وأزاى امها هتلطلم على خدها ..وأبوها من شعرها يشدها.

صحيح تخطيط معلمين .. كانو بيشربو مع بعض على الشيشة حجرين.

أنتهت المكالمة بيين الزوج والصديق .. بعد أن أعلن الزوج أنه لابد من الأحتفال بيوم الخلاص والعيد.

عيد الأنتصار على الزوجة وشلة الشياطين الذين كانو يخططون لست الحلوين.

نام الزوج وهو سعيد .. وبيحلم باليوم الجديد .. يوم الحرية والعزوبية والعودة للحياة الطبيعية.

قام الزوج فى صباح اليوم التانى يبحث فى تليفونه على مكالمة .. ولا رسالة من زوجته. تقوله فيها .. انت حب عمرى ياعمرى.

وتعلن من خلالها انها وصلت مصر .. بعد صلاة العصر .. وامها معاها فى ساحة النصر.

لم يجد الزوج الرسالة الموعودة. ولم يجد حتى مكالمة موجودة؟

قال: انتظر حبتين حتى تستيقذ من النوم.

وكل دقيقتين ينظر فى التليفون. ووصلنا الى نهاية اليوم.

الأنتظار كان صعب .. الزوج عايز يسمع ويشوف لحظة أنتصاره المتعوس.

اخيرا قرر يتصل هو .. بعد أن أفرغ علبة سجاير فى الغرفة جوه.

خرج للصالة وكأنه خرج من المغارة .. وكان بيشحن همته ..وتليفونه ورنته.

أتصل مرة واتنين والتليفون مغلق ومفيش رنيين.

لعن الزوج التليفونات .. والأشارة والذبذبات .. والشبكة والشبكات

وبعد عدة محاولات باءت بالفشل التام . قرر يكتب رسالة على التليفون الذى أصبح من الشبكة مغلق ومحروم.

كتب رسالة وكانو كلمتين من غير أى تزويق
( حمدالله على السلامة ) أنتى فين؟؟

أنتظر الزوج رد من زوجته برسالة تقوله ..
انا هنا يابن الحلال.. وعايزة منك جوز عيال.

كان نفسه يوصله مجرد رد .. مش مهم من زوجته؟ المهم من اى حد.

من اخوها ماشى .. من امها مايجراشى ..

مر اليوم ومفيش رسالة ولاتليفون .. وبدل اليوم أصبحو أثنين.

ذهب الزوج ونام وهو زعلان وبيقول حرمتنى من لحظة الأنتصار .

وبدأ عقله يقوله يمكن عملت حادثة فى الطريق .

طيب يمين الله لو ماتت هىيبقه أحلى عيد.

نام الزوج وهو مهموم ومنتظر يسمع خبر الوصول أو حتى موتها المشؤوم.

فى الصباح أستيقظ الرجل على صوت التليفون. قام بسرعة زى المجنون.

وقال أخيرا أتصلتى يابنت المشموم.

تأكد الرجل ان الرقم من تليفونها وبسرعة لعن فى اللى جابها.

ولم يعطيها فرصة للكلام سوى بعد أن تسمع منه أوسخ كلام.

لأحظ الزوج ان زوجته لم ترد عليه ولم يسمع لها صوت؟

سكت وقال: الو .. الو

جاءه صوت ناعم غريب .. بطعم وشكل الزبيب.

الصوت بيتكلم المانى وبيقول كمان أسمه بالحيانى

حضرتك فلان؟ رد وقال أيوه تمام يامدام

نحن مستشفى A . K . H ( أكبر مستشفى بالعاصمة فيينا )

نعم فيه أيه؟؟

زوجتك عندنا وياريت تشرف جنبنا

وقع التليفون من يد الزوج ودماغة اتشقلبت بالمقلوب… أكيد ده مقلب من واحد حقود؟

ولايمكن الطيارة ولعت بيها؟
ماهى طول عمرها فقرية ووش فقر

تفتكرو حصل أيه ؟؟
هل المكالمة غلطة؟ ولا الست فوزية عملت من المطار ناطة.
كيف خرجت الزوجة من المطار؟
وماهو دور الأشرار شياطين الطلاق بفيينا
وماذا دبرت الزوجة لكى ترد على خداع زوجها؟؟

موعدنا فى الجزء الثالث فى (المرأة التى غلبت الشيطان )…
أنتظرو أبو كريم الصندوق الأسود للجاليات العربية عامة والمصرية خاصة بالنمسا

عن nemsawy

x

‎قد يُعجبك أيضاً

فقط للزوجات الجادون فى حل نصف مشاكلهم

راجل بيعمل مشاكل مع مراته لما بيرجع من الشغل كل يوم اشتكت ...