أخبار عاجلة
الرئيسية / رسائل ابو كريم / من النمسا: المرأة التى غلبت الشيطان

من النمسا: المرأة التى غلبت الشيطان

قامت المعارك المعتادة بيين الزوجين الذين لم ينجبو الأبناء
ولكن هذه المرة كانت الزوجة ملمومة على شلة من النساء
لايوجد وراهم سوى خراب البيوت فى الصيف وفى الشتاء.

اعطو للزوجة دروس تخلع بيها من فم زوجها الأسنان والضروس.

وقبل عودة الزوج من العمل كانت الزوجة فى البيت تستعد لمعركة القضاء على عتريس.

دخل الزوج قائلا مساء الخير.
ردت الزوجة بغلق الباب بقوة 44 ريختر ودخلت غرفة النوم.

الزوج لم يتحمل الزلزال نتيجة غلق الباب
ودخل مسك الزوجة ومسح بيها الباب والشباك
وأصبحت شكل شكمان السيارة أو شكل بقايا سجاد.

الغريب فى الأمر ان الزوجة كانت مجهزة كل شئ .
فتحت الشبابيك قبل عودة زوجها الشديد.

الزوج لم يرى ولم يهتم ودخل وهو بيغلى فى جسمه الدم .

واثناء معركة الطرف الوحيد الذى جعل وجه زوجته شكل القرنبيط؟

كانت الزوجة تصرخ وفى صراخها تزيد
ووسط الضرب كانت تتجه للشباك المفتوح وبصوت عالى مفضوح تصرخ وتقول ( هلفا ) ساعدونى.

طبعا انكشف امر فتح الشبابيك وان الزوجة كانت تجهز لمعركة النفس الأخير والخلاص من زوجها العنيد.

وحدث ماخططت له الزوجة تماما. الجيران سمعو الصراخ والعويل
وعلى الفور أتصلو بالشرطة التى وصلت بأسرع من الطيارات والدبابير.

وخبط على الباب يؤكد ان من بالخارج لاتغلق امامه ابواب ولا شبابيك ومستعد لكل الأحتمالات.

فتح الزوج الباب فوجد عشرة من رجال الشرطة الشباب.

أزاحو الزوج على جنب وسمعو وشمو ريحة كرنب
مصدرها كان من الواضح انه من غرفة النوم
التى كانت ترقد الزوجة فيها كالقتيل .. وكأنه ولع فيها بجاز وفتيل.

الشرطة شافت عفريت نايم على الأرض
ومضروب بالأيد وبالشلاليت وبحلة حمشى كرنب عتيد.

طلبو الأسعاف على السريع لأجل ماينقذو الزوجة التى أصبحها شكلها شكل البلطجى أبو سريع.

الدماء تنزف من وجهها وكأنها كانت تحت قطار
وبعدها داس عليها كمان حمار.

طبعا الشرطة وضعت الكلبشات فى أيد الزوج وشالوه وفى سيارتهم وضعوه.

الزوج لم يتفوه بكلمة
وكان فى السيارة جالس وبهدوؤ غريب وينظر على باب العمارة من بعيد.

بعد مرور أقل من ثلاثة أسابيع خرج الزوج من الحبس
فى أنتظار محكمة وهو متأكد أن فيها أكيد سجن وحبس.

الزوج جلس يفكر ويدبر؟
أكيد الزوجة المحكمة هتتطلبها علشان تتكلم .. وعليه تعلم
وبعدها المحكمة تحكم بالسجن
وهو يدوب .. أكل زوجته علقة .. بطعم التبن.

فكر الرجل فى فكرة شيطانية للخلاص من المحكمة ومن الزوجة بضربة واحدة وهدف من اهداف محمد صلاح بالقدم وبالراس.

بدأ يتصل بزوجته ويعتذر ويتأسف ويطلب منها السماح
وانه مستعد لشراء الورد واللحمة والتفاح.

وسمعها احلى كلام وكان ناقص كمان يجيب عود ويعزف تحت البلكونة لزوجته سعدية .. مؤكدا انه مستعد لدفع الديه.

الزوجة بدأت تستجيب .. وتقوله أنت السبب ياسى عيد.
وعموما عفا الله عما سلف وتعالى نعيش .. وناكل مع بعض لحمة وعيش.

فرح الزوج فرح شديد بعد ان وجد ان الزوجة اخيرا بتستجيب.

وتأكيدا على كلامه الأكيد. قال الزوج لزوجته:
أنا عارف أنك بسببى تعذبتى كتير.
وأعرف أننا مررنا بظروف صعبة و.. أن أعصابك تعبانة وتحتاجى للتغير.

لكى عندى هديه .. واخرج من جيب الجاكيت تذكرة طيران لمصر
وقالها منى ليكى .. تزورى اهلك وتيجى.

تعبيرا عن اسفى وندمى.. على مسح الأرض والشبابيك بيكى.

فرحت الزوجة فرح شديد .. ونفذت له فى تلك الليلة كل مايريد .. ويزيد.

فلقد شعرت انها اتولدت من جديد .. وزوجها أصبح رومانسى وعندليب.

حان وقت السفر. ذهب الزوج لتوصيل زوجته للمطار.
وهو يوصيها تاخد بالها من نفسها وتسلم كمان على امها .

وطلب منها تعرض نفسها على الطبيب
لكى تعرف اذا كان ممكن نخلف ونجيب اطفال زى كل المساعيد.

دخلت الزوجة الى المطار والزوج بيساعدها كراجل جنتلمان ..
كما تعلمها من الألمان.

جاءت لحظة الوداع وازرف الزوج الدموع
وقال لها قلبى معاكى ياست الكل وماتزعليش ده انتى زيك مفيش.

الزوجة تأثرت بالحديث وشافت الدموع وقالت
واضح انى ظلمتك وزيك مافيش .. سامحنى ياسى عتريس.

وظل الراجل يراقب زوجته من بعيد .. وتراقبه هى من وراء الحديد
حتى اختفت وراء الدهاليز .. فى طريقها لركوب طائرة من حديد.

خرج الزوج مسرعا من المطار .. وشعر ان الكابوس انزاح .. وانه خلص من كل الهموم .
والمحكمة الان لم تجد الزوجة ولو حتى فى سوق الليمون.
وفى موعد المحكمة المحدد لن تذهب الزوجة للمحكمة.
وبالتالى لن تستمع لأقوالها.
وبالتالى القضية فركش وتاخد براءة يامعلم ..
فيين الناس منك تتعلم
هكذا كان الزوج يفكر ويحدث نفسه وهو عائد من المطار فرحان.

ولم يعرف الزوج ان الزوجة والأقدار تحضر له مفاجاة من أكبر عيار.

تفتكرو أيه؟؟؟؟

موعدنا فى الجزء الثانى والمرأة التى غلبت الشيطان …

أنتظرو أبو كريم الصندوق الأسود للجاليات العربية عامة والمصرية خاصة بالنمسا

عن nemsawy

x

‎قد يُعجبك أيضاً

فقط للزوجات الجادون فى حل نصف مشاكلهم

راجل بيعمل مشاكل مع مراته لما بيرجع من الشغل كل يوم اشتكت ...