الرئيسية / Slider / من النمسا .. زوجة ملفوفة بالشيكولاته .. للأستاذ شحاته

من النمسا .. زوجة ملفوفة بالشيكولاته .. للأستاذ شحاته

تعرف الرجل على بنت 27 عاما عن طريق النت والعجن واللت
بعد محادثات وتليفونات وخد وهات .. وخروج الحب والأهات
قرر الرجل بعد مرور أسابيع وشهور .. انه يسافر للبلد الغير مجهول
صحيح انه ليس بلده .. وليس فيه ريحة اهله
ولكنه بلد عربى .. يشعر ان كل مافيه يقربله
العادات والتقاليد . والأعياد والأفراح والزمامير
حدد الرجل الميعاد وحصل على اجازة .. بمناسبة الأعياد
ذهب الرجل فى الموعد المحدد قاطعا الاف من الأميال .. لأجل عيون حبيبته الغزال.
وصل الرجل الى الديار التى تجلس فيه الحبيبة .. والأهل على نار.
ومع اجمل التحية والورود والطعام .
كان الرجل يجلس وكانه .. فى السما طار.
بعد السلام والكلام .. وامتلاء المعدة بالطعام
طلب الرجل من الأهل .. ان يسمحو له بالكلام.
لأنه جاى من النمسا علشان يطلب ايد ست الكل التى سحرته برائحة الورد والجمال والفل.
الأب والأب لم ينتظرو ان يكمل الراجل الكلام
وقلبهم من الفرحة فى الهواء طار.
وقالو للعريس .. نشكر ربنا على هديته .. وانه أرسل لنا عريس لبنتنا .. من الأخيار.
والعروسة كانت ترتدى ملابس وقلبها يدق .. وكانت تتمنى انه يكون بحجم الف هكتار.
تم الأتفاق على كل شئ بسرعة … لأن العريس وقته لايسمح بالهزار
واشترط أهل العروسة مفيش دخلة على العروسة بعد كتب الكتاب ..
لحد ماتسافرلك .. النمسا هناك؟
وقالو للعريس انك من حقك كل يوم تيجى .. تجلس معاها وسطنا نحن الأهل والأحباب
ولكن دخلة عليها؟؟ أنسى .. مفيش أمامك سوى فى الهوى تبات ..
تاخد شهادة الزواج .. وتطير على النمسا حالا .. وتعمل لحضورها اليك الأجرائات
الراجل جلس معاهم عدة ايام .. ونار الشوق والحب أصبح بحجم الشجر والزرع اللى فى التراب.
سافر الراجل وقدم طلب لم الشمل وهو ينتظر الرد .. علشان زوجته عليه تتلم.
كان يوميا مكالمات مع ست الحسن والجمال .. التى أشعلت فى قلبه نار لا تطفئها جبال.
ومرة العروسة تكلمو .. ومرة يكلمها .. وفى الأغلبية الرد من أهلها يكون .. أن ست الحسن والجمال نايمة .. وفى العسل والأحلام عايمة
والراجل لم يغضب .. وقال دلع بنات .. ومن حق الجميل يتقل .. وفى النوم والهنا يبات.
ومرت شهور وصحى الرجل على خطاب .. مقفول من الجهات
وطار الراجل من الفرحة بعد ان وجد الموافقة على لم الشمل ..
وأخيرا الزوجة هتيجى اليه لحم ودم.
وأرسل الموافقة للزوجة وهو بيحلم .. انه أخيرا هيكون معاه ونيس فى الأوضة ومعاها يهيص.
مرت الأيام وأصبح كل شئ تمام .. ووصلت العروسة للنمسا وهى لابسة طرحة وفستان.
الزوج من فرحته أخد حبيبته وزوجته على البيت .. اخيرا جاءت راحت البال
فلا وقت للفرح .. ولا وقت للطبول. .. فهذا هو اليوم الموعود
وصل الرجل للمنزل وبعد الكلام والغرام .. أصبح الحلم حقيقة وليس مجرد خيال.
ولا عايز يخرج ولا عايز يروح .. وبدا يكتشف ويتعرف على الزوجة
التى كان أخرها فى المطبخ يدوب تسلق بيض.
الزوج قال: مفيش مشاكل مع مرور الوقت كل شئ له حلول وممكن نعمله بمحلول
لاحظ الزوج مع مرور الأيام؟ ان الزوجة احيانا تمتنع معه عن الكلام ..
بلا سبب .. وبلا شجار .. اوحتى ملام.
ولاحظ أن الزوجة جايبة معاها كام برطمان .. فيهم انواع من البرشام
وعندما كان يقترب منها؟ يجدها تتحول فى بعض الأحيان .. للشراسة والعناد .. والنظر نظرة فاحصة للعتاب
وفى احدى المرات وجدها تصلبت وتخشبت .. وكانها هتتحول من بامبى لزومبى
طلبت الزوجة من الزوج أن يعطيها البرشام الموجود جوه الدولاب بلغة الأمر .. وبصوت عالى فيه الكثير من الشر.
والتى احضرته معها بكميات وهو لايعرف الأسباب
فكر الزوج طويلا وبدأ يشك فيما تحمله زوجته من برشام .. وهو لايعرف نوع المرض والعلاج؟
سئل الزوجة ماهذا العلاج والبرشام؟
ردت وقالت مجرد برشام للصداع وللألام .. لأنى أحيان بكون مش تمام.
بدأ الزوج يشك فى الأجابة والأعراض .. وطريقة الكلام
بعد الحصول على العلاج .. كانت الزوجة فى الهنا تنام .
بعد نومها قرر الزوج يجلس على النت ويكتب أسم العلاج؟
ويشوف ده علاج للصداع ؟؟ ولل مجرد اكل كلاب؟
الزوج أكتشف ان العلاج يكتب .. لمريض نفسى وعصبى شديد الخطورة
وأكتشف ان بدون العلاج ممكن المريض يقتل من امامه بسهولة.
الزوج أترعب وأخد العلاج فى الصباح و على طبيبه طار..
طالبا المزيد من التفصيل والأيضاح قبل ان تصل زوجته لمرحلة النباح.
الطبيب اكد له الكلام .. وقاله كمان .. ماهو يرعب اسد .. ويخليه جبان.
تفتكرو الطبيب قال أيه ؟؟؟
وتفتكرو الزوج عمل أيه؟؟
بعد أن علم أشياء عن زوجته من أهلها والأصدقاء هناك
أنا بقول كفاية على حضراتكم كده
وننتظر الجزء الثانى من زوجة مغلفة بالشكولاته .. للاستاذ شحاته

عن nemsawy

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

شروط الحصول على التأشيرة السياحية لمدة خمس سنوات في «الإمارات»

أعلنت دولة الإمارات، شروط الحصول على تأشيرتها، مشيرة إلى أنها أتاحت للأجانب ...