الرئيسية / Slider / من النمسا: طليقى بيموت يابو كريم .. وطالب أدفنه فى درب المهابيل

من النمسا: طليقى بيموت يابو كريم .. وطالب أدفنه فى درب المهابيل


أنفصل الزوج والزوجة بعد صراع مرير ومشاكل عديدة. بعد أنجبو البنين والبنات.
أستمر الأبناء فى زيارة والدهم بتشجيع من والدتهم. وبعد عدة سنوات من الأنفصال.
عاد الأولاد من عند والدهم يوما ليبلغو الأم بأن والدهم مريض ويعانى من مرض خطير.
أتصلت ام الأولاد على الفور بطليقها لتطمئن عليه؟
أبو الأولاد شرح لها الأمر وقال لها ان الأمر خطير والمرض كبير.
وطلب منها المقابلة لوضع النقاط فوق الحروف؟
تقابلت أم الأولاد مع طليقها.
قال لها: لو جاءك خبر وفاتى يوما؟ وصيتى اندفن فى مصر.
ردت هى قائلة: بعد الشر عليك تسلم روحك وعنيك
ويحفظك وتفرح بأولادك حواليك.
رد هو قائلا: أهم شئ لاتنسى وصيتى وكررها ثانية: أندفن فى مصر.
فقالت له: هل عملت تأمين لتغطية المصاريف لتنفيذ الوصية؟
قال: لا.
قالت هل سوف تترك فلوس لزوم تنفيذ الوصية؟
قال: لا
قالت له: طيب هجيب منين؟
قال لها مالكيش دعوة .. أنتى فقط جهزى جتتى وحطوها فى الصندوق وأتوكلى على الله وسلميها فى مصر لأشقائى
وهما سوف يقومون باللازم.
قالت تمام. ولكن هجيب منين علشان أوصلك لأخواتك؟
قال لها سلمى الجثة هناك وهتستلمى فلوسك وأنتى على الباب.
وتروحى مع الجثة لوحدك .. بلاش الأولاد .. توفيرا للمصاريف.
الست جابت أخرها معاه وقالت له.
اخواتك أكلو حقى بمساعدتك وأنت عايش. ..
تفتكر هيعطونى حاجة بعد موتك؟
هنا طاح فيها وصرخ باعلى صوته: أنتى جاية تبشرى عليه بالموت يابنت ال؟؟؟
وبدأ يعود لطبيعته قبل الطلاق وفتح قاموس الشتائم والقذورات بالرطل وليس بالكيلو.
ونسى انه هو من طلبها .. ونسى أنه هو .. من يوصى .. وهو من يقول لها.
واقسم الرجل يمين الله عليها بالطلاق .. ونسى البيه أنه طاليقها من سنوات.
الزوجة أتصلت بى وتطلب مشورتى.
طليقى يابو كريم معاه فلوس هنا كنتير ولكنه بخيل
طليقى يابو كريم عنده املاك فى مصر ومسلمها لأخواته العناتيل
طليقى يابو كريم عايزنى أتكفل بدفنته من جيبى علشان هو شايف انه فى النمسا مالهوش غيرى.
وبيقولى ده واجب عليكى وعلى أولادى.
ولاده يابو كريم لايزالون بالمرحلة الأعدادية هنا
وأنا أتحمل واتكفل كافة مصاريفهم منذ أنفصالنا.
يجيبو منين ولاده يابو كريم لدفنته؟
شور عليه الله يخليك .. الراجل مرضه بجد خطير وممكن فى أى وقت يطير.
هنا خلص الكلام …
وتركتها وقلت لها:
اسمحى لى الأن أدخل أنام ..
وفى الصباح قد اجد تعليق يحل مشكلة راجل بخيل على نفسه حتى بعد الممات.
راجل عايز ولاده الأطفال يتكفلو بدفنته. ..طيب أزاى؟
راجل حريص على ماله حتى وهو قريب من الممات
راجل أعطى اشقائه كل شئ وحرم أولاده من كل شئ
وكمان عايز دفنته على كيفه .. وبيحدد امتى وفين وبكام .. وأصرفى يا أم العيال.
راجل كان ناقص يقول لطليقته أدفعى .. مش كفاية أنى هموت وأسيبك؟؟
نمساوى أبو كريم

عن nemsawy

x

‎قد يُعجبك أيضاً

القنصل المصرى بالنمسا يغادر منصبه ومعه قلوب المصريين.

نعم بكل أمانة وصدق هذا الرجل أنتزع قلوب المصريين بالنمسا من خلال ...