الرئيسية / Slider / من النمسا: مات الزوج وفوجئت الزوجة بالميراث .. ثلاث ضربات فى الراس

من النمسا: مات الزوج وفوجئت الزوجة بالميراث .. ثلاث ضربات فى الراس

كان الزوج قد اتصل بى منذ عدة سنوات قبل وفاته .. واشتكى زوجته قائلا:-

تمتنع عن اعطائى حقى الشرعى كزوج

اهملت نفسها واصبح شكلها .. خرج بيت

اهملت ابنائتا وأصبح الكل .. غرباء فى البيت

اهتمت فقط بأهلها فى مصر .. ومشاكلهم التى لاتنتهى وكل يوم تليفونات .. وطعامنا اصبح بيض

طالبتها بحقوقى الزوجية فقالت؟
احنا كبرنا على هذه الأشياء وخلفنا من الأولاد اثنين .. قاعدين معانا جوه البيت

طلب منى الزوج ان اتحدث مع زوجته

وتقابلنا .. ولم افرق بينهم بعد ان اصبح شكلها معلم جوه البيت .. منديل بعقده من الأمام .. والقدم فوق القدم .. ونظرة لزوجها تقوله:-
هوه ده نظامى ولو مش عاجبك سيب البيت

تحدثت مع الزوجة وحاولت اقنعها بأن ماتفعله خطأ كبير وضد الشرع والدين والأحياء والميتين

معجبهاش كلامى وقامت وقالت:- معلش يابو كريم رايحة المطبخ؟ تحب أزودلك معانا البيض؟

وجدت الزوج جالس وبهدؤ قاللى: شفت يابو كريم معايه المعلم هريدى جوه البيت

فقط متفرغة للرغى مع الحريم واخوتها .. وسلق البيض

بهدؤ اشار الزوج لى على منظر البيت

زريبة وعايش فيها هو وابنائه .. وسط قشر البيض

وصلنى صوت الزوجة وهى تتحدث فى التليفون وهى بتسلق البيض

قاللى الزوج ديه اختها عندها مشكله .. وخاربة عندها البيت

قلت للزوج: طلباتك يازوج عبد الستار .. قبل ان تنتهى زوجتك من سلق البيض؟

قاللى يابو كريم .. ( فَصَبْرٌ جَمِيلٌ وَاللَّهُ الْمُسْتَعَانُ )

فقط أتصلت بك علشان تكون شاهد .. ولاتلومنى فى قرار الشجعان.

قلت ناوى على أيه؟
قال ناوى أصلح حالى وحال البيت

تركت البيت والمدام لسه بتسلق بيض

وغادرت وانا دماغى مشغول .. ماذا سوف يفعل رجل البيت؟

وبعد عدة سنوات وصلنى صوت الزوجة بعد ما خلصت سلق البيض

وقالت اللحقنى يابو كريم: زوجى مات من شهور .. وترك لى فى الميراث ثلاث ضربات فى الراس.

تفتكرو ماذا فعل المرحوم .. دلوقتى أكيد ابدا مش هقول

ولكن بصراحة طلع راجل وبيفهم .. وابن اصول .. عاش راجل ومات راجل …
وردلها القلم عشرة .. لزوجة ماتعرفش معنى العشرة والرحمة .. بصراجة لم اتوقع مافعله .. ولا أعرف كيف فعله؟

عايزين تعرفو عمل ايه؟؟ أنتظرو المقالة الجاية وأكبر مفاجئة للزوجة بتاعت البيض

الجزء الثانى من النمسا: مات الزوج وفوجئت الزوجة بالميراث .. ثلاث ضربات فى الراس

 

عن nemsawy

x

‎قد يُعجبك أيضاً

يسحر أبناءه ويستعمل الدجل عليهم؟ الإفتاء ترد

حكم هجر الأب الذي يسحر أبناءه ويستعمل الدجل عليهم؟ سؤال ورد إلى ...