أخبار عاجلة
الرئيسية / بانوراما نمساوى / مواطن يفضح أمين شرطة: «أخذ 100 جنيه بدون وجه حق»

مواطن يفضح أمين شرطة: «أخذ 100 جنيه بدون وجه حق»

بسنت متاريك
نشرت صفحة «إمسك مخالفة» على موقع التواصل الاجتماعي «فيس بوك» رواية مواطن يفضح أمين شرطة، أخذ منه خالفة قدرها 100 جنيه بدون وجه حق.

وقال المواطن: «انهارده كنت راكب عربيتى فى ميدان التحرير تحت سرية العلم و الاشارة كانت مفتوحة جرى عليا امين شرطة و وقفنى و وسط الميدان ووقفنى انا والوحيد فى وسط الميدان من دون السيارات.. طلب منى انه يشوف رخص العربية.. كانت سليمة و سارية و كنت رابط حزام الامان والعربية جديدة مفيهاش اى خدش او فانوس مكسور».

وتابع: «العربية كورى وتحت الاكصدام الامامى فى قطعة حديد نيكل جاية من كوريا مع الفابريكا.. فلما ملقاش حاجه قولتله سيادتك يا فندم انا رخصى سليمة و اوراقى كلها مظبوطة قالى لا الاكصدام دهانا ممكن دلوقتى اعملك مخالفة ب٥٠٠ جنيه قولتله دى العربية هى كده و تصميمها كده قالى هو انت فاكرنى جاى من برشلونه و قعد يسخر منى و قالى اسمع خلص الضابط واقف بدل ما اخليك تروحله و تعمل فحص كامل للعربية كلها تدفع فيه دم قلبك فتنحت متكلمتش و لا رديت عليه من الصدمة راح ندى على عسكرى معاه دفتر المخالفات قاله هات اعمله مخالفة ب٥٠٠ عشان ده مفكرنى هندى».

وأكمل المواطن: «فلما لاقيته جاد و مفيش نتيجة وعمال يقولى “خلص خلص “وكل ده وانا واقف فى وسط الشارع والعربيات بتعدى من حواليا وكان شايف المحفظة وانا بطلع الرخص كان فيها فلوس راح قايلى تانى “خلص.. روحت طلعت ١٠٠جنيه وقولت لى اولادى صوروه وبالفعل اول ما اديته الفلوس رمالى الرخص وقالى (متبولئش تانى)».
واختتم المواطن حديثه قائلًا: «يا جماعة انا بكتب كده على شان لما يكون فى عنصر فاسد ومرتشى هو ده اللى بيسئ الى جهاز الشرطة الشريف لازم الشخص ده ياخد جزاءه عشان يكون عبره لامثاله اللى بيشوه صورة جهاز الشرطة
برجاء انكوا تشيروا صورته عشان الكل يعرف المرتشى ده مين وصوتنا يوصل للمسئولين».

عن nemsawy

x

‎قد يُعجبك أيضاً

شاهد معنا .. التحرش بفتاة في مطار القاهرة

قالت الاعلامية لميس الحديدي الاعلامية، إن هناك فتاة تعرضت للتحرش في مطار ...