Categories
رسائل ابو كريم

نمساوى يابيه.. غصب عن عنيه .وعنيه

نمساوى يابيه.. غصب عن عنيه .وعنيه
أتذكر فى فيينا بالثمانيات عندما كنا لازلنا شباب وكان الورد له معنى وقيمه.
وكان شبابنا بيطل من عنيينا وخفه دمنا ماليه فيينا بحكوينا
وكانت كل امانيينا ان نرى حفل فى الاوبرا او حتى اوبرايت الليله الكبيره
وكنا نجلس فى المقاهى ونصرخ ونقول. ( هات شاى يادقدق)
ويرد دقدق ويقول عينى وراسى ونغنى وبصوت عالى نقول.
سمعنا ياريس حنتيره للصبح معاك السهيره.
وينطلق صوت المعلم حنتيره وبصوت عالى وحنجره محتاجه للفتح والتسليك وادخال شويه هواء من الشبابيك .فيقول
حالا بالا سأصارع. اسد انما ايه متحوش وهخلى وشه شوارع تصقيفه ياناس ميصحش
وبعد السهره الحلوه والقاعده الغنوه وسماع الريس حنتيره صاحب الحنجره المقفوله والغناء من خلالها .وسد ودنا وارهاق بدنا
وبعد ان اشرق الصباح فسكت الريس حنتيره عن النباح
كنت اخرج الى شارع وارمى نفسى فى اى تاكسى وانا مرهق البدن من سهره كان من المفروض فيها نغم.
وقبل ان ارتاح من صوت النباح فى مقهى المعلم حنتيره
اسمع صوت سائق التاكسى النمساوى الاصل والفصل ذو النبرات الهادئه والاسئله الحائره موجها اسئلته لى كالسهام وانا اشتم رائحه اتهام وفيها دخان
وادانه وشجب وندم كمان والسؤال كان من سائق التاكسى الهمام
من خلال حوار يدور فى ادب واحترام بين كل منا بدون مقدمات
السائق يبدا بالسؤال.
ممكن اسال حضرتك منيين ؟؟؟؟
وارد واقول من مصر ام الدنيا بلد الهرم والنيل وكمان بياع المناديل
ويسال السائق تانى وهو بالطبع هرانى وباسئلته قلت اه يانى
سئل وقال ممكن حضرتك تقولى بقالك قد ايه فى النمسا ياغالى؟؟
وارد واقول من كام سنه وانا هنا ماحصبتهاش ولا عدتهاش يا معجبانى
ويسئل السائق ويقول وايه ياترى عاجبك فى النمسا يا غالى
وكنت ارد. اهلها وجوها. ومطرها وثلجها. بالمعنى الاصح كلها ياحلوانى
ويسئل تانى وسعادتك ناوى تقعد هنا على طول؟؟
وارده واقول.النمسا بتقول. من يأكل اشنتزل فيينا يعيش ويتهنا بدل السنه ميه. ويعيش فى فيينا ميه ميه.
ويسئل تانى السائق النمساوى المعجبانى ويقول
ممكن تقولى لو سمحت ايه مش عاجبك فى النمسا ياغالى؟؟؟؟؟؟
ورديت وقلت النمسا حلوه وزى العسل لاكن النمساويين كثرو فيها واصبحو اكثر من البصل ياعسل.
فيسكت السائق عن الكلام وكأننى وضعت له اللجام واصبح فى خبر كان
هذا الموقف تكرر معى كثير من اكثر سائقى التاكسى النمساويين ومن القاعده متاسسين كنمساويين ابا عن جدا ومأصليين.
وفكرت كثيرا ماذا انا فاعل وكل مره انا تلميذ امام السائل

وقرر اخيكم ابو كريم عمل كمين لسائقى التاكسى النمساويين
وقررت فى نفسى ان اكون انا اول السائليين وقبل السائق ميسأل اكون انا اول السائلين وعليهم اكون من البادئين
وصعدت التاكسى فى احدى المرات وقررت ان ابدا بسرعه اسئلتى قبل ان يشاهدو خيبتى.
وبدات انا السؤال لسائق التاكسى النمساوى الاصل والفصل.
وقلت موجها سؤالى للسائق
ممكن اسأل حضرتك منيين؟؟
رد وقال وبصوت عالى .انا نمساوى الاصل والفصل يابيه وفى فيينا مولود ياغالى يابوراس عالى
ورديت عليه وبسرعه وياترى عاجباك النمسا.
رد الراجل وقال بلدى وبحبها وعلى الراس اشيلها واحطها واموت من اجلها وادفن فى ارضها وفى ترابها ارجعلها.
وبسرعه قلت له وناوى تقعد فى النمسا كثير
وهنا فقد الرجل اعصابه وبصوت عالى وقال
انا اقول لك انا نمساوى من هنا مولود فى النمسا اسمى ماير وامى اسمها ماريا وابويا اشتيفن وليس من مصر او السعوديه
وهنا قلت له نزلنى لو سمحت هنا ودفعت له اجرته وهو جالس على ركبته وبيقول انا نمساوى يابيه نمساوى نمساوى نمساوى يابيه
وتركت رجلى للريح قبل ان يطلب لى البوليس ويسلمنى له ويستريح.
أخوكم (محمد أبو كريم)