الرئيسية / حوادث / هروب شاب يوم زفافه

هروب شاب يوم زفافه

أثارت فتاة الجدل على وسائل التواصل الاجتماعي بعد نشرها قصة انفصالها عن خطيبها الذي تركها بإحدى قاعات الأفراح، ورحل بعدما أخد “التورتة”.

ونشرت الفتاة منشوراً عبر صفحتها على موقع “فيس بوك” سردت فيه كل تفاصيل هروب الشاب “مصطفى”، وهو ما أثار حالة من الجدل بين السخرية والغضب.

وقالت الفتاة: أنا كان مقري فتحتي زي ما كله عارف على مصطفى وخطبتي كانت يوم السبت، اللي فات المفروض كان بينا مشاكل زي أي اتنين عاديين مع مامته بقى وخلافات بتحصل أول ما أطلب حاجة وقولت دا عادي بيحصل بس اللي متخيلتش إنه يحصل إنه يسيبني في القاعة لوحدي.. اتفاجئت إنه مش عازم صحابه ولا قرايبه كلهم وحسيت في حاجة غلط حتى مامته وأخته مفيش.. واحدة فيهم جت باركتلي وقولت أمشي اليوم”.

وأضافت: كل ما أقوله فين الشبكه اللي هنلبسها يقوللي أصل اتكب عليها شربات أصل وقع جاتوه عليها.. طب خليها بعد البوفية وكلام كله غريب كدا لحد ما دخلنا بعد البوفية لقيت أهله كلهم مشيوا.. وقال إيه خالوا تعب! فيقوم أهله كلهم يمشوا وأنا في القاعة لوحدي بدور عليه الاقيه بيصرخ برا ويقول خالي عيان وبيلطم وحاجات غريبة كدا وأنا اقسم بالله ما مستوعبة اللي بيحصل هو في واحد خاله عيان عيلته كلها بتمشي الستات اختفوا بس كانو بيهزروا فوق نسوا العيان”.

وأضافت: “والأنيل إننا اكتشفنا إنهم أخدوا التورت معاهم طب مش خالك عيان.. أخدتوا التورت معاكم ملبستنيش شبكة.. وقبل كل دا بأيام جالي البيت وأخد التوينز بتاعت قراية الفاتحة بحجة إنه عايز يلبسني كله مرة واحدة في القاعة وأنا هبلة وافقت مجاش في بالي للحظة واحدة انه هيعمل فيا كدا”.

واختتمت الفتاة بقلب موجوع: دلوقتى حبه أقول كل دا عشان ايه؟ كان ممكن ننهي بالمعروف من غير أذى نفسي ليا.. كان ممكن تسترجل وتيجي تقولي يلا نفركش وكنت لغيت الخطوبة.. مش جي وبترقص وتقولي محضرلك مفاجأة.. وفي نيتك تعمل فيا كدا.. حسبي الله ونعم الوكيل”.

بعد ذلك قام الشاب “مصطفى” بالرد على منشور الفتاة، قائلاً: “حلو الشو ده صعبتي عليا، بس ولو حابه تتكلمي إحكي للناس اللي حصل من البداية”.

وردت عليه الفتاة قائلة: “اتعلم الرجولة وابقى تعالى كلمني”.

وأثار المنشور سخرية بعض النشطاء على مواقع التواصل، حيث أطلق بعضهم على الشاب إسم “مصطفى تورتة”، فيما انهال الآخرون على الشاب بالالفاظ الخارجة حيث أبدوا تعاطفهم مع الفتاة.

ونرصد لكم بعض التعليقات على منشور الفتاة:

-مصطفي تورته يهز جبال.. بس انت غني وقول موال.

– بكرة يقعد يتفرج على أخته وعلى حيحصلها !

-كلنا بندعي عليك يامصطفي ابو تورتة.

– بعد كده العروسة تروح بتورتتها الدنيا مبقاش فيها امان.

-الشباب مبقاش ليهم أمان.. كلكم مصطفي ابو تورته.

عن nemsawy

x

‎قد يُعجبك أيضاً

للطلبة والأبناء بالنمسا .. دروس تقوية فى المواد التالية: أنجليزى .. المانى . الأحياء

Medizinstudentin gibt Nachhilfe in Englisch, Biologie(alle Schulstufen)und Deutsch(Unterstufe). Alle Sprachen beherrsche ich ...