أخبار عاجلة
الرئيسية / غير مصنف / وزيرة الهجرة ردًا علي منتقدي صورتها مع البابا تواضروس: صدقوني مش فاضيين ورانا شغل كتير

وزيرة الهجرة ردًا علي منتقدي صورتها مع البابا تواضروس: صدقوني مش فاضيين ورانا شغل كتير

قالت السفيرة نبيلة مكرم، وزيرة الهجرة، ردًا على منتقدي صورتها مع قداسة البابا تواضروس:صدقوني مش فاضيين ورانا شغل كتير.

وكتبت “مكرم”، عبر صفحتها الرسمية بموقع التواصل الاجتماعي “فيسبوك” قائلة: صدقوني مش فاضيين.. في الوقت اللي الدولة بتواجه تحديات على كل جبهة والشعب مؤمن بالله الواحد وبقيادته المخلصة، ألاقي بعض النفوس اللي اتضايقت من صورتي مع قداسة البابا تواضروس الثاني.

وتابعت : أحب افكرهم بصورتي في عام ٢٠١٧ مع بابا الفاتيكان، اللي برضه البعض وقتها انزعج من طريقة سلامي له (Reverence) وعايزة أوضح بعض النقاط:

١. أنا وزيرة مصرية في حكومة مصرية.

٢. أتشرف بطريقة سلامي لرموز الكنيسة.

٣. أتشرف بأني وزيرة بتشتغل في عهد تحترم فيه القيادة المصرية كل المواطنين المصريين رغم التركة الثقيلة اللي ورثتها.

٤. أتشرف بأني لما باحضر مقابلة مع السيد الرئيس بيعرفني باني الوزيرة المصرية مش بيعرفني بطريقة طائفية.

٥. أتشرف بأني لما باكلم فضيلة الإمام الأكبر على التليفون بقوله يا أبويا وهو بيقولي يابنتي العزيزة.

وأضافت: خلاصته.. لو حضراتكم فاضيين …احنا مش فاضيين ورانا شغل كتير، ورانا نحمى بلدنا ورموزنا مش بس من تحديات خارجية انما كمان نحميهم من الفكر والثقافة المتواضعة جدا لدى البعض.

جديرا بالذكر كانت أن وزيرة الهجرة السفيرة نبيلة مكرم، قد نشرت صورة تجمعها بقداسة البابا تواضروس الثاني على “إنستجرام”، وعلقت قائلة: من أنواع الحروب الجديدة: هدم الرموز الدينية خاصة لما بتبقى الرموز وطنية، محبة ومخلصة لوطنها.

عن nemsawy

x

‎قد يُعجبك أيضاً

مصر: فاة طفلتين بسبب معكرونة “الإندومي”

قدمت ولاء التمامي، عضو مجلس النواب المصري، طلب إحاطة إلى وزيرتي التجارة ...