أخبار عاجلة
الرئيسية / Slider / يامدام بلاش محشى وحمام …. وكفاية البزنجان

يامدام بلاش محشى وحمام …. وكفاية البزنجان

كالعادة تليفونى بيرن؟
ورفعت التليفون وقلت : الوووو
جائنى صوت شخص من دولة عربية ..
أنا عن نفسى عارف ومتأكد مين هى؟
بعد التحية والسلام والأحترام ..
دخل معايا الرجل على طول فى الكلام.
واليكم الحوار الذى جعل عقلى من البداية .. صحى ومش هينام
اخى الفاضل أبو كريم ..
عندى من المشاكل فى العمل الكثيير
قلت له أتفضل ياكبير …
أحكى وقول وأبو كريم بأذن الله .. سامعك زى الوبور
قال الرجل:
شوف يا عم أبو كريم وأسمع كويس
علشان الكلام كتيير والمشكلة محتاجة من حضرتك تفكير.
قلت قول ياذوق وربك موجود وكل شئ له حل بأذن الواحد القهار ..الذى لايغفل ولا ينام.
قال الرجل:
الطبيعى فى الدنيا والحياة ان لو حضرتك عندك شركة وبتنتج من السلع الكثير ؟ انك تكسب اموال كتير؟ تمام ابو كريم؟؟
قلت تمام.
ولكن ياعمى ابو كريم: انا الشخص الوحيد الذى عنده أنتاج كبير وكتير وبيخسر كتير.
فكلما زاد الأنتاج عندى كانت الخسارة كبيرة جنبى؟
قلت للرجل أكيد عندك مشكلة فى التوزيع؟
قال الرجل ياعم أبو كريم عملى لاينفع فيه مشاكل توزيع ..
عندى لابد أن يصل المنتج الذى يصلنى فى خلال ساعات أو أيام حسب العنوان والمكان.
قلت يبقى أكيد المنتج بتاعك ضعيف؟
قال ابدا والله ده أغلى شئ عند الناس
وعندما ينتهى ويخلص ويخرج من البيت ؟
بتتغير حاجات وتتشفلب الدنيا وتتغيير خطط وتتقال حكايات.
بصراحة الراجل أستفذنى
وقلت له على طول ممكن أسأل حضرتك وأقول ايه الكلام واللغاريتمات التى تقولها ودخلتنى فى متاهات؟
قال الراجل خليك طويل البال ياكبير الأجيال ..
لأنى محتاج مشورتك ومسعدتك أكيد ومن غير أسفنج ولاتنجيد.
قلت أرجوك: أموت وأعرف أنت بتشتغل أيه؟
الراجل سمع كلمة أموت ولم يعطينى فرصة لتكملة الجملة
وقالى: حبيبى يابو كريم . هو أحنا نطول؟؟
قلت بصوت عالى جهور أعلى من صوت الباجور والحنطور.
بتشتغل أيه يابيه .. بتشتغل ايه؟؟؟؟؟؟؟؟؟
بكل هدوؤ رد الراجل وقال:
انا حانوتى أعمل خارج فيينا وطمعان فى المكسب والجنة.
الكلام وقف فى زورى بعد ماسمعت وخفت يكون الراجل اتصل علشان شايف أنه جه خلاص دورى.
وصرخت فيه لكى يسمع من ودانه ويشوف بعنيه:
هو فيه حانوتى بيخسر؟
ده الموت كل يوم وكل ساعة وكل ثانية. انت اكيد ضارب طبق بامية.
الراجل بدأ يستحلفنى الهدوؤ .. لكى يشرح لى فهمى بالمقلوب.
ياعمى أبو كريم : انا هنا خارج فيينا .. بالنمسا جديد فقط منذ عدة سنوات.
بحثت عن عمل فى كل مكان .. ولم أجد مطعم ولاحتى قهوة بشيشة ودخان.
وفى يوم أتعرفت على صديق
والراجل قالى أسمع عندى مشروع هنكسب فيه كتيير
والثواب عند الله أكيد.
الكلام عاجبنى لما سمعت منه عن مشروع جمعية لدفن وتغسيل الموتى لعدم وجود جمعيات هنا بالمنطقة التى تبعد عن فيينا عشرات الكيلو مترات.
عملنا الجمعية والحال كان تمام والشغل ماشى عال العال ..
ودخلت الأعضاء وسددو الأشتراكات.
وكل كام شهر وأحيانا سنة تجينى جثة
طالبة الدفن أو الشحن والهنا.
قولنا تمام وأصبحنا مسيطرين على الزمام
والرصيد بيزيد وفيه مكسب أكيد
والأهم الثواب داخل عليينا من كل باب.
فجأة يا غالى دخلت عليينا كورونا من كل باب ..
وأصبحت الجثث مرمية فى المستشفيات وفى مداخل البيوت والأبواب
المحافظة عندنا كانت كورورنا محصراها
وحضرتك عارف وسيد العارفين.
وبدل مكنا بنسحب من البنك مرتيين ثلاثة فلوس
علشان ندفن ونسفر المرحوم.
اصبحنا عايزين معانا فى البيت كوم فلوس
بعد أن زادت الأعداد ودخلنا فى متاهات.
وبدأت المصاريف تتضاعف مع كل جثة تصلنا من المشتركين.
والمصيبة ياعمى أبو كريم ان المشترك بيموت وندفنه ونصرف عليه. ..وكمان بيضيع مننا مشترك
كان بيدفع كل شهر وبعد موته أنقطع الأشتراك ودخلنا فى متاهات.
ألم اقل لك أنى الشخص الوحيد الذى كلما زاد الأنتاج بيخسر فلوس وأشتراكات؟
الم أقل لك أننى الشخص الوحيد الذى لايستطيع التأخير فى توصيل السلعة والطلبات.
الم أقل لك أننى تصلنى اغلى سلعة .. تتمزق الناس أننى اخذتها ؟
رغم أنهم يا أبو كريم هم الذين يطلبون منى الحصول عليها وعمل الأجرائات بسرعة ..
علشان خايفين عليها تعفن وتحمض فى المستشفى.
فهمت ليه يابو كريم أنا محتاج مساعدتك وهمتك وعقليتك
بصراحة الراجل صدمنى وأتجلت دمى
وأرتفع سكرى والضغط نط وفط.
قلت شوبيك لوبيك .. أبو كريم بيين أيديك .. تأمرنى بأيه ياسعادة البيه؟
الراجل رد وقال بلاش حضرتك يابو كريم تكون بيين أيديه؟ بدرى عليك بدرى.
تذكرت على الفور ماذا يعمل .. وقلت كتر خيرك؟
لم أنتبه للكلام لأنها جملة كده بتتقال.
قال الرجل عايز أعلان تنزله عندك .. تنزله عندك علشان ينشط الناس؟
أعلان ايه ياعم؟
عايزنى أقول للناس ماتمتوش يعنى؟ ولا تقصد أيه؟
قال لا .. يأستاذنا انا عايز اعضاء جدد
علشان يدفعو ولما يموتو وعد منى على يدى يدلعو.
قلت شوف ياسيدى عندى اقتراح لك هتكسب من وراه الكثيير وفيه خير كتير
قال: اللحقنى يابو كريم ياكبير .. .. ناس كتير قاللولى عليك وعلى ابو كريم .. عنده الأفكار اكثر من الطماطم والخيار.
قلت: سيبك من الجمعية والأشتركات.
ومن هنا ورايح ادفن اللى يموت بالكيلو والجرام
ازى يابو كريم؟
قلت له اوزن الجثث وأعمل سعر للكيلو
وأعمل عروض الكيلو وعليه وردة هدية.
الرجل سكت خالص ولم يتفوه بكلمة
قلت له وهتكسب أكيد..
ناس تخينة كتيير وناس عندها كروش .. توزن ويندفع فيها فلوس.
ولا تخاف عندنا فى فيينا يوجد صراع بيين أبناء الجاليات
أتخن أكثر وأمشى وأتمختر.
هنا قال الرجل الذى أعتقد أننى بتكلم جد وقال:
يابو كريم هنا عندنا الناس رفيعة .. يادوب عشرة جرام بيكلوها
ويدخلو الحمام يتغوطوها.
قلت أعمل لك فرع بفيينا وتعالى شوف الناس اكيلة الفطير والسمنة..
عندنا ياباشا بنعرف بعض من كروشنا ..
لما يدخل عليك أو عندك شخص الأول بتشوف الكرش قبل الوش
والأحجام ؟ ماأقولكش .
حاجات كده زى قدر الفول .. وشوال الليمون.
الهوفر والليدل .. مخلى الناس ماشين مثل الديزل..
الراجل بدا يتهته ويقول: بتتكلم جد عمى أبو كريم؟
كنت اسمع ضحكة زوجته بجواره وهى تقول له:
أبو كربم خرب مخك وبيضحك عليك .. وأنت حاطط كلامه فى عقلك ورجليك.
فى اليوم التالى اتصلت الزوجة بى وهى منفجرة فى الضحك وتقول:
حرام عليك عمى أبو كريم زوجى واخد الموضوع جد وبيبحث عن ميزان يوزن بيه الجثث قبل ماينام ..
وكان عايز يسأل حضرتك: هل القانون نمساوى يسمح بالوزن؟؟
وفى وسط الكلام كان بيسألنى .. هو أنتى وزنك كام؟؟
يقصد أيه عمى أبو كريم من هذا السؤال
قلت لها اكيد عايز يضع الأسعار بالكيلو وبالجرام.
صباحكم زى الفل .. فقط علشان تعذرو أبو كريم .. حتى الحانوتى طالب مساعدة؟؟
وعايزنى اتحمل ؟؟ لا والله انا بحاول أتجمل.

عن nemsawy

x

‎قد يُعجبك أيضاً

هذا القانون يدفعك للحرام.. ضوابط الزواج الثاني في مشروع قانون الأحوال الشخصية الجديد

قالت النائبة نشوى الديب إن مشروع تعديلات قانون الأحوال الشخصية، جاءت بهدف ...